يسري نصر الله: أنا مش مخرج ديمقراطي ... الديمقراطية في السينما تبقى عدم نظام

FilFan | فى سينما وتلفزيون

المخرج يسري نصر الله

السبت , 3 مايو 2025 - 11:05

قال المخرج الكبير يسري نصر الله إن التعاون مع الفنانة منى زكي في فيلم "احكي يا شهرزاد"، لم يتطلب الكثير من النقاشات المعقدة حول "أبعاد الشخصية"، مشيرًا إلى أنه لا يميل لهذا النوع من التحليلات النفسية التي يصر عليها بعض الممثلين.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأوضح يسري نصر الله، ‏في لقاء خاص مع الإعلامية شرين سليمان ببرنامج "سبوت لايت"، ‏المذاع ‏على قناة صدى البلد، قائلا: "منى جت عايزة تتكلم في أبعاد الشخصية، وأنا بصراحة ما بفهمش في الحاجات دي، ده شغلها هي، كل اللي قلته لها وقتها: مش هنلبس فساتين شبه اللي في فيلم (صغيرة على الحب)، هنلبس فساتين ست حلوة. وهي فهمت. ما خدتش أكتر من كده، لأنها ست ذكية جداً وممثلة كبيرة جداً".

‏وأضاف يسري ‏نصر الله، إن ما يهمه كمخرج هو ما يقدمه الممثل أمام الكاميرا، وليس التحليل النظري، ‏قائلاً: "أنا مش هقعد أقول لك إنتي حاسة بإيه. انتي جايبة لي إيه على الست؟ ده شغلك. لو دخلتي في حتة مش بتاعة الشخصية، هقولك. لو محتاجة تتظبط، هقولك: أبسط، أعلى، أبطأ، أسرع، لكن أبعاد طفولتها ومشاعرها، دي حاجتك أنت".

وأكد يسري نصر الله، أن علاقته بالممثلين قائمة على احترام ما يمكن لكل ممثل أن يقدمه، قائلاً: "ما أقدرش أطلب من ممثلة سمراء إنها تبقى شقراء. ده مش من حقي، لكن من حق أي ممثل ييجي يناقشني في طريقته في تقديم الشخصية. إنما وقت التصوير، أنا ما بحبش أسمع سؤال: (أنا المفروض أحس بإيه؟)، لأني ماقدرش أدوس على زرار وأقول لك: حِس بكذا. إحساسك لازم يطلع منك أنت، ولو طالع حقيقي، أنا هصدقه".

وأضاف: "في ناس لما بتحزن بتضحك، وفي ناس بتنح. اللي يهمني: هل اللي قدامي حقيقي ولا مفتعل؟ مصدقك ولا لأ؟".

ورفض يسري نصر الله وصف موقعه كمخرج بـ"الديمقراطي" قائلاً: "الديمقراطية دي بتاعة الانتخابات، مش شغل السينما، في الشغل، فيه احترام متبادل وتقدير لقدرات كل فرد في الفريق. إنما مش كل واحد يقول رأيه لمجرد إنه عايز يتكلم. ده مش نظام".

واختتم ‏المخرج يسري نصرالله حديثه قائلاً: "كل ممثل لازم يشتغل على شخصيته ويجيبها جاهزة، أنا دوري أوجه، أو أقول لأ، مش دي خالص".

اقرأ أيضا:

داليا البحيري وداليا مصطفى ورانيا فريد شوقي ولبلبة من بينهم ... نجوم الفن في افتتاح مهرجان أسوان الدولي لأفلام المرأة

إيمان العاصي وانتصار ولوسي من بينهم ... مهرجان المركز الكاثوليكي يكرم نجوم الفن والإعلام

شيري عادل وناهد السباعي وأميرة فتحي ويسري نصر الله من بينهم ... مهرجان الإسكندرية للفيلم القصير يختتم فعالياته بحضور النجوم

هشام ماجد: أنا ومصطفى غريب قعدنا نضحك طول مسلسل "أشغال شقة جدا" وأسما جلال خدت التريند بـ"في جيه"!...والنجمة ترد

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5