فيديو - كريم فهمي: دانيا زوجتي الجندي المجهول في حياتي ... 90% من نجاحي راجع لها

محمد سليم | فى سينما وتلفزيون

كريم فهمي وزوجته دانيا

الثلاثاء , 22 أبريل 2025 - 01:32 | اخر تحديث: الثلاثاء , 22 أبريل 2025 - 01:32

كشف الفنان كريم فهمي عن أن شخصية "فارس أبو العزم"، التي قدمها في مسلسل "وتقابل حبيب" في رمضان الماضي، تتشابه معه في الرومانسية.

وأضاف خلال حواره مع الإعلامية لميس الحديدي في برنامج "كلمة أخيرة" المذاع عبر قناة ON: "أنا متجوز من 12 سنة، وعندي 3 بنات: كاميلا، ناعومي، وجميلة، ولما اتقدمت لدانيا، كنت رومانسي فعلاً، زي فارس أبو العزم اللي مش ملزق".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

كريم فهمي وزوجته دانيا

أشاد كريم فهمي بزوجته دانيا، مؤكدًا أن دورها في حياته لا يقدّر بثمن قائلا: "دانيا قصة مختلفة تمامًا، لو في حاجة أنا وصلت لها دلوقتي فالنجاح ده 90% بيرجع ليها و10% لي. دي إنسانة وقفت جنبي وأنا ولا معايا فلوس، ولا شقة، ولا عربية، وبنقل من عملي كطبيب أسنان لممثل ومؤلف".

كريم فهمي وزوجته دانيا

وأضاف كريم فهمي: "مين يتحمل ده كله؟ سنة ورا سنة وإحنا مش معانا غير اللي بناكل بيه، ولما كانت بتتعرض علي أعمال وأرفضها، كانت تقوللي لو مش حاسس الدور متعملوش، وهي بتحبني كمؤلف أكتر مني كممثل".

طالع أيضا - الصور الرسمية لحفل زفاف مي الغيطي والطبيب البريطاني أندرياس براون

كريم فهمي وزوجته دانيا

وتابع: "دانيا بتختار لبسي، وبتقرأ كل أعمالي، هي الجندي المجهول في كل نجاح لي".

وعن الغيرة عليه من المعجبات، قال كريم: "أكيد كنا بنغير، هي كانت بتسألني عن مشاهد معينة وهتتصور إزاي، وأنا كمان كنت بغير، بس مع النضج والخبرة الأمور اتغيرت، وكل واحد فينا نضج مع التاني".

كريم فهمي وزوجته دانيا

وأكمل: "فيه حاجات كتيرة بتختلف من بداية الزواج عن الفترة اللاحقة مع النضج والحياة والخبرات، أنا شخصياً في بداية الزواج مختلف عن الآن، في أول زواجنا لما كان بييجي حد زميلها في المدرسة وأنا معرفوش يسلم عليها كنت بقول قدامه مين ده؟ وكنت بحرجها، مع الوقت الموضوع اتغير ونفس الشيء من عندها كانت أول الزواج بتغير جداً وتسألني أنت هتعمل المشهد ده إزاي؟ دلوقتي الأمور اختلفت".

يذكر أن كريم فهمي عرض له في شهر رمضان الماضي مسلسل "وتقابل حبيب"، وتدور أحداثه حول ليل، وهي امرأة ثرية تتلقى صدمة حياتها عندما تكتشف أن زوجها خانها وتزوج بأخرى سرا وتدخل في صراعات مع عائلتها.

مسلسل "وتقابل حبيب" من تأليف عمرو محمود ياسين، وبطولة ياسمين عبدالعزيز، كريم فهمي، نيكول سابا، خالد سليم، صلاح عبدالله، بسنت شوقي، محمود عمرو ياسين، وإنتاج تامر مرسي، إخراج محمد الخبيري.

اقرأ أيضا:

إلهام شاهين تحتفل بشم النسيم برفقة النجوم ... سلاف فواخرجي وفيفي عبده ولبلبة ونبيلة عبيد من بينهم

نسرين طافش ونرمين الفقي ونادية الجندي من بينهم … احتفالات النجوم بشم النسيم

رانيا يوسف وفرح الزاهد وإنجي علاء من بينهم … النجوم في عيد ميلاد داليا مصطفى

منتجة فنية عملت مع نجوم الطرب ومقدمة برامج وصاحبة مركز تجميل وتم ضبطها تقود عصابة لتصنيع المخدرات بمضبوطات بلغت 420 مليون جنيه ... 13 معلومة عن سارة خليفة

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5