التعليق الأول لحسام حبيب على أنباء خطوبته: ابعدوا عن حياتي بقى ... خلوا الموضوع يتعقد!

مي جودة | فى حياة المشاهير

حسام حبيب

السبت , 12 أبريل 2025 - 23:04 | اخر تحديث: السبت , 12 أبريل 2025 - 23:04

يبدو أن انتشار أنباء ارتباط الفنان حسام حبيب بالعارضة الأردنية سارة أثارت استياؤه! ليخرج في تصريحات غاضبة يطالب فيها جماهيره بعدم الحديث عن حياته الشخصية.

قال حسام حبيب: " "الموضوع ما وصلش خالص للخطوبة نهائي، هما سبقوا الأحداث وخلّوا الموضوع يتعقّد بدل ما يحصل فيه خير. يعني اللي حصل ده، مش عارف أقولهم إيه بصراحة. وأصلاً الحاجة اللي بيتكلموا عنها عمرها ما وصلت لربع اللي بيتقال. ومش عارف الناس عايزين إيه مني بجد، على طول الناس بتخربلي حياتي!"، حسب تصريحاته لبرنامج "ET بالعربي".

حسام حبيب وسارة

من هي العارضة سارة التي ارتبط اسمها باسم حسام حبيب؟ ... أصغر منه بـ 20 عاما وليست مصرية

وتابع حسام حبيب: وإن كان في حاجة، هما كده بوّظوها، لأن أهل البنت ليهم عاداتهم وتقاليدهم، وناس محترمين جدًا جدًا. زيّ ما إحنا زمان كان لينا عاداتنا وتقاليدنا، وكنا بنتحرم يعني إيه بنت، يعني إيه نِفسِن عليها… مش عارف إيه اللي حصل للمصريين؟ النخوة اللي كانت عندنا راحت فين؟

واستكمل حسام حبيب: ابعدوا عن حياتي بقى، أنا مش عارف إيه ده! إمتى هتسيبوا الناس في حالها؟ عمرنا ما اتكلمنا عن مين خَطَب ومين اتجوز، ولو حصل، بيتكلموا بعد الأحداث. دلوقتي بيتكلموا عن بنت وليها عائلة كبيرة، وبقى كل همنا التريند والفيديو ده يجيب كام؟

حسام حبيب وسارة

وأضاف حسام حبيب: أنا مش عايز حد يتكلم عني، ولا الناس كلها تتكلم عني. طلعت مع بسمة وهبة وقلت إن الجمهور بقى آخر همي، عشان أوصل رسالة إني مش عايز تريند. هو في فنان بيقول كده؟ هما وصلوني لكده!.

ونفى حسام حبيب كل الأخبار المؤكدة على لسانه حول تاكيد خطوبته، وقال: "وكل شوية يطلعوا يقولوا إن حسام حبيب صرّح، أنا صرّحت فين؟ أنا ما قلتش حاجة لحد نهائي! وبعدين بيقولوا إن علاقتي بالبنت دي من سنين! هي أصلاً البنت عندها كام سنة عشان يتقال كده؟ واللي جاي بقى هيبقى وحش، وهيبقى في قضايا، ولازم كل حاجة يكون ليها حدود، ومش المفروض نتكلم عن أعراض الناس.

حسام حبيب

واختتم حسام حبيب حديثه قائلا: "وأنا هشوف مين اللي كتب الكلام ده على لساني وهحبسه، لأني ما قلتش لأي حد، وأنا هكبر المشكلة، لأن البنت دي بنت ناس كبيرة أوي في الأردن، فهندخل القضايا ونشوف بقى!".

بدأت الأخبار في الانتشار بعد ظهور صورتين لحسام حبيب برفقة سارة في إحدى الحفلات الصيفية ذات ثيم الملابس البيضاء، وكان معهما المنتجة سارة الطباخ والملحن محمود الخيامي، وبعدها نشرت سارة عبر خاصية Story عبر تطبيق Instagram صورة لها على أغنية "شوفت بعينيا" لحسام حبيب في الخلفية، وأعاد هو نشرها.