مي عمر: يعني إيه فن هادف؟ ... عندنا خلط إن العمل الجماهيري مش فن

مي جودة | فى حياة المشاهير

مي عمر

الأحد , 6 أبريل 2025 - 01:19 | اخر تحديث: الأحد , 6 أبريل 2025 - 01:21

حلت النجمة مي عمر ضيفة على برنامج "الحكاية" الذي يقدمه الإعلامي عمرو أديب عبر شاشة "MBC مصر" للاحتفال بنجاح مسلسلها "إش إش" الذي عرض في رمضان 2025.

وردت مي عمر على الانتقادات الموجهة لمسلسل "إش إش" أنه لا يقدم فن هادف، قائلة: "يعني ايه فن هادف؟ الفن أنواع كتير اوي، في ممكن يبقى فن واحد بيقدم مسلسل كوميدي، هل دا مش فن؟ ما هو رسالته إنه بيضحك، بمجرد إني اتفرج عليه واضحك هو كدة أدى رسالته، هو عايز يضحك، وفي مسلسل بيحكي قصة للتسلية؟ المتفرج بيفتح المسلسل أو الفيلم ليه؟ الطلب الأول إنه بيبقى عايز يتسلى، واحد قاعد زهقان عايز يتسلى".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت مي عمر: أنا بقى عايز أقول رسالة لازم يبقى من خلال محتوى مسلي، لو عايز تقدم توعية باحته يبقى ممكن يفتح وثائقي، فكرة إن أنا أقول عايزة أوصل رسالة، ممكن أوصل رسالة مش غلط، ممكن تبقى أنا رسالتي إني اسلي الناس، وفي رسايل كتير في المسلسل على فكرة، بس في ناس للاسف عندنا مخلوط ان العمل الجماهيري ماينفعش يبقى عمل فني، وأنا معرفش ليه الفكرة دي متاخدة عندنا يعني لما بيلاقوا مسلسل أو فيلم نجح جماهيريا مايخدش جوايز أو دا مش فن، مع إن برا العكس تماما.

إش إش

واستكملت مي عمر: هل فيلم "تايتنك" مش عمل فني رائع؟ مخدش كل الجوايز اللي ممكن نتخيلها، هل إنه جاب ايرادات دا منعه من عمل فني، ليه عندنا دايما طالما جماهيري وعجب الناس يبقى مش عمل فني، أنا أهم حاجة عندي الجمهور في الأول وفي الأخر، مماينفعش حد يقول لي اانا مش فارق معايا الجمهور، هي في الأول وفي الأخر للجمهور، لازم تعجب الجمهور، لازم أبقى أنا مقتنعة بيها عشان وحاسة بيها عشان الناس تحبها، واكيد كلنا هدفنا تعجب الجمهور وتحقق نسب مشاهدة عالية وماينفعش حدي قول لي انا مكنش هدفي اني احقق نسب مشاهدة عالية.

مي عمر من مسلسل إش إش

مسلسل "إش إش" من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف وهم: محمد ممدوح، خالد الصاوي، كريم فهمي، محمد عبدالرحمن، أحمد زاهر، والعمل من تأليف وإخراج محمد سامي.

إش إش

تدور أحداث مسلسل "إش إش" حول فتاة ترث من والدتها الجمال والفقر تُدعى "إش إش"، وتجد نفسها مضطرة أن تعمل كراقصة، وتدخل إلى عائلة الجريتلي عن طريق الصدفة، لتكتشف أن ما تمر به ما هو إلا امتداد لأسرار مدفونة داخل هذه العائلة.