فيديو- بشرى ترد على انتقادات مسلسل "سيد الناس": الكلام الكتير سياسة السوشيال ميديا

نهال ناصر | فى سينما وتلفزيون

بشرى

الثلاثاء , 25 مارس 2025 - 11:40 | اخر تحديث: الثلاثاء , 25 مارس 2025 - 11:40

ردت الفنانة بشرى على الجدل والانتقادات التي توجه لمسلسل "سيد الناس".

وقالت بشرى في لقاء مع ET بالعربي: "هو في مسلسل مش عليه جدل ولا انتقاد ولا هجوم لو اتفقت الأذواق هتبور السلع، مفيش مسلسل لمحمد سامي مش عليه جدل وهو عنده مسلسلين هذا الموسم أنا بتفرج على "إش إش" وبحبه جدا مشدودة ليه أنا والأسرة واتفرجنا قبلها على "نعمة الأفوكاتو"، أنا مليش دعوة بحالة الجدل أنا ليا اللي قدامي بيبسطني بالعمل ولا لأ أنا مشدودة ولا لأ قفلة الحلقات بتشجعني أشوف الحلقة اللي بعدها ولا لأ إنما الكلام الكتير دي بقيت سياسة السوشيال ميديا في أي حاجة، مبقتش فارقة بالنسبالي اللي يهمني العمل وردود أفعال الناس العادية الطبيعية اللي في الشارع".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

بشرى في سيد الناس

وعن تعاونها لأول مرة مع المخرج محمد سامي قالت بشرى: "المخرج محمد سامي دايما عليه حالة جدل مستمرة حبيت استكشف هل الجدل دا على حق ولا الكلام دا كله هجص زي ما بيقولوا، لقيت أن هو راجل بيحب شغله أوي ودقيق جدا ولما بيزعق أو بيضايق بيبقى عشان في استهتار أو في ناس مش ملتزمة ومش دقيقة بعض الناس معندهاش ضمير في الشغل بيبقى غضبه على حق لكن هو بيحترم المحترم وبيقدر الشاطر جدا والمستهتر أو اللي محتاج أنه يركز أكتر هو اللي بيتكلم معاه".

نرشح لك: ياسمين صبري تتعرض لموقف محرج مع محمد رمضان في حفل سحور "ميديا هب": ابنك! إنت مجنونة!

بشرى في سيد الناس

وعن تشبيه البعض مسلسل "جعفر العمدة" بمسلسل "سيد الناس" قالت بشرى: "أنا متفرجتش على "جعفر العمدة" العيلة عندنا في البيت اتفرجوا عليه أنا وقتها مكنتش في مصر ومتفرجتش عليه فمقدرش أقارنه بمسلسل "سيد الناس" خصوصا وأنا شغاله فيه فشهادتي مجروحة في كل الأحوال".

View this post on Instagram

A post shared by ET بالعربي (@etbilarabi)

ويعرض مسلسل "سيد الناس" في تمام الساعة 11 مساء عبر قناة MBC مصر، والإعادة الساعة 4 عصرا، إلى جانب عرضه عبر منصة "شاهد".

مسلسل سيد الناس

قصة مسلسل "سيد الناس"

عندما يموت زعيم عائلة أبو العباس، يوصي لابنه جارحي بالعائلة وميراث العائلة. هذا الإرث ليس مالاً ولا جاها بل مصائب يومية لايتخيلها عقل من الأعمال غير المشروعة في الذهب والألماس والمخدرات والفساد.

أبطال مسلسل "سيد الناس"

مسلسل "سيد الناس" بطولة عمرو سعد، خالد الصاوي، الهام شاهين، منه فضالي، أحمد فهيم، رنا رئيس، نشوى مصطفى، عماد زيادة وآخرين، تأليف وإخراج محمد سامي.