خاص خالد الحلفاوي يتحدث لـ"في الفن" عن فكرة تقديم جزء رابع من "كامل العدد" ومشاركة مكة محمد صلاح وافتقاد الجمهور لآراء نبيل الحلفاوي الكروية

نهال ناصر | فى سينما وتلفزيون

خالد الحلفاوي

الأحد , 16 مارس 2025 - 13:03 | اخر تحديث: الأحد , 16 مارس 2025 - 13:03

للعالم الثالث على التوالي يحقق مسلسل "كامل العدد" نجاحا كبيرا، فالجمهور ارتبط بعائلة "ليلى وأحمد" وأحب مغامراتهم مع الأولاد والمواقف التي يمرون بها.

فكرة تقديم جزء ثالث من عمل ويحافظ على النجاح هو تحدي كبير، لذا تواصل FilFan.com مع المخرج خالد الحلفاوي ليحدثنا عن المسلسل وكواليس الجزء الثالث وظهور مكة محمد صلاح فيه.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

في البداية سألنا المخرج خالد الحلفاوي عن فكرة تقديم جزء ثالث وإن كان الأمر أصعب أم أسهل بالنسبة له وقال: "هو نفس الشعور والأجواء بتاعة الجزئين اللي قبل كده أنا مش بفكر دا الجزء كام بشتغل كل مرة زي ما بشتغل بنفس الاهتمام والتحضير والباقي بتاع ربنا".

نرشح لك: رنا رئيس تحتفل بعقد قرانها … داليا البحيري وكريم عفيفي وريم سامي بين الحضور

في الجزء الثالث من "كامل العدد" انضم عدد من النجوم وتحدث البعض عن تعويضهم لغياب نجوم آخرين، وقال خالد الحلفاوي عن هذا الأمر: "طبيعي يبقى في ناس جداد بنعمل حدوتة جديدة أكيد هيقابلوا ناس جديدة، الجزء التاني كمان في ناس جداد، بس الحمد لله الناس متقبلة".

ضمن أحداث الجزء الثالث انضم فرد جديد للعائلة هو الطفل سليم محمد ويجسد دور "عمر" ولفت الأنظار بشدة فرغم سنه الصغير كان مندمجا وسط الأطفال، وقال خالد الحلفاوي عنه: "دوري أني اختار صح الولد أبقى شايف فيه أنه عنده الإمكانيات وثانيا يحس أنه في بيته ميحسش بتوتر أو مطلوب منه شغل أو يتضايق لازم يبقى مرتاح نفسيا جدا زي ما بيكون مرتاح في بيته فبيبقى على طبيعته".

دينا الشربيني والطفل سليم

منذ الجزء الأول من مسلسل "كامل العدد" ويأخذنا المخرج في رحلات تارة في أسوان وتارة أخرى في محافظة مختلفة، لكن هذه المرة سافر بنا إلى تركيا، فسألناه عن صعوبات التصوير التي واجهته وقال: "مفيش تصوير سهل سواء جوا مصر أو برا مصر في استديو أو الشارع ، هي نفس الصعوبات بس بنضيف عليها عنصر أن أحنا بنشتغل مع ناس منعرفهومش مع لغة مش كلنا عارفينا فالتواصل أصعب وأماكن منعرفهاش زي ما نعرف بلدنا وسيستم شغل مختلف، بس كله بيعدي".

وكان مفاجأة الجزء الثالث ظهور "مكة" ابنة اللاعب محمد صلاح وحدثنا عنها خالد الحلفاوي قائلا: "البنت بتستوعب بسهولة لما كنت بوجهها ونعيد بتحاول تغير وتعمله ودي أهم حاجة أن يكون في استيعاب واللغة تمام جدا وهي ذكية وحابه الموضوع، وأتمنى يكون طلع دمه خفيف المشهد".

مكة محمد صلاح في كامل العدد ++

ومن مميزات مسلسل "كامل العدد" ظهور أغاني في مشاهد كثيرة تصف حال الأبطال ودائما ما تكون مختلفة، وعن اختيار هذه الأغاني قال: "الأغاني بعضها اختيار المؤلفين وبعضها اختياري وبعضها اقتراحات من المونتير كريم سعد هو متميز أوي في المزيكا والأغاني وبيطلع حاجات مش بتخطر على بال حد أوي وبنشوف إيه اللي يصلح فيها".

خالد الحلفاوي وجيسيكا حسام

من ضمن ضيوف شرف الحلقة الاخيرة الفنان أحمد حاتم وقدم دور الطبيب الذي يتفاجأ بعدد أولاد "أحمد وليلى" في مشهد يعيد للأذهان مشهد الراحل سمير غانم في فيلم "عالم عيال عيال"، وقال خالد الحلفاوي عن هذا المشهد: "الجزء الأول شوية مأخوذ عن الرواية دي حسيت أن أحنا نقفل زي ما بدأنا بنفس الروح وتبقى لطيفة".

سمير غانم في عالم عيال عيال

أحمد حاتم في كامل العدد ++

وأكثر سؤال يسأله الجمهور هل يتم تقديم جزء رابع من المسلسل وقال خالد الخلفاوي: "العلم عند الله أنا مش بقعد أخطط هعمل إيه السنة اللي جايه، دي حاجات بمشي ورا قلبي، ومحدش بيقول لأ للفكرة الحلوة لكن حتى الآن إحنا متكلمناش في فكرة الجزء الرابع".

انتقاد وحيد وجه لمسلسل "كامل العدد" وهو مشهد دينا الشربيني وهي ترتدي ملابس "ممرضة" بعض الأمهات اعترضن على تقديمه في مسلسل يحبه وبتابعه الأطفال ورد خالد الحلفاوي على هذا: "هما المفروض أن الأطفال مش هيفهموا إيه اللي حاصل لأن إحنا معرضناش المشهد بشكل فج أو مشرحناش دا إيه، اللي فاهم هو خلاص فاهم مش إحنا اللي فهمناه واللي مش فاهم معتقدش أن المشهد دا هيفهم حاجة، الطفل مش واصل للمرحلة دي هيفهم أن دا هزار ولعب".

وعن جديده قال: "في كذا مشروع لكن مش عارف إيه لسه هيبدأ حسب الجاهزية، لسه بفوق من مسلسل "كامل العدد".

وأخيرا طوال الأيام الماضية ومع أزمة انسحاب النادي الأهلي من مباراته مع نادي الزمالك يتذكر الجمهور الفنان الراحل نبيل الحلفاوي وترى ما سيكون موقفه في هذا الأمر إذا كان بيننا، وقال خالد الحلفاوي عما يكتبه الجمهور: "أنا مش متابع جيد على مواقع التواصل الاجتماعي لكن مدرك الفراغ اللي سابه كان معود الناس على تعليقاته وآرائه أكيد الناس مفتقدينه زي ما أحنا مفتقدينه ربنا يرحمه".

اقرأ أيضا:

هبة السيسي تحتفل بمولودتها "تيا" بحضور دوللي شاهين ودومينيك ومجدي عبد الغني

نجلاء بدر تنسحب من "العرافة": جيت الحلقة لأنك صاحبتي وبجبك ... لكن السؤال دا عيب

نور إيهاب: نور النبوي مش السبب في فسخ خطوبتي

حوار مرح... طه دسوقي لمحمود حميدة: أنت مابتقولش كدة عشان أنا قولت لك؟ والنجم يرد عليه: لا أنت دافع لي فلوس

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5