هالة صدقي: دوري في "إش إش" جديد عليا ومحمد سامي لا يقل أهمية عن عاطف الطيب ويوسف شاهين

FIlFan | فى سينما وتلفزيون

هالة صدقي

الثلاثاء , 4 مارس 2025 - 15:56 | اخر تحديث: الثلاثاء , 4 مارس 2025 - 15:56

تحدثت الفنانة هالة صدقي عن مشاركتها في مسلسل "إش إش".

وقالت هالة صدقي خلال مداخلة هاتفية في برنامج "إحنا لبعض"، مع الإعلامية نهال عبر فضائية "صدى البلد": "شادية" بالنسبة ليا تحدي بيني أنا والأستاذ محمد سامي أن بعد "صفصف" هنقدم إيه، محمد سامي عرض عليا دور إنتصار "إخلاص كابوريا" و"شادية" وقالي اقري وشوفي شايفه نفسك فين، يمكن دور "إخلاص كابوريا" ممكن يبقى أطول وأهم لكن دور "شادية" عمري ما عملته".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

هالة صدقي في مسلسل إش إش

وتابعت هالة صدقي متحدثه عن محمد سامي: "محمد سامي لا يقل عن المخرجين الكبار زي يوسف شاهين وعاطف الطيب، اللي بيحب شغله وعايز من أبسط واحد لأكبر واحد يبقى حاسس بأهمية العمل اللي بيعمله هو ممكن يتعصب زي باقي البشر أنه ميلاقيش الناس دي على نفس القدر، هو بيحب الحاجة مظبوطة وعايز الإنسان اللي قدامه جاهز وحافظ ومقدر المجهود اللي بيعمله".

هالة صدقي

نرشح لك: مصدر مقرب لـ(في الفن): حماقي بخير وفي منزله الآن وهذه تفاصيل حالته الصحية

وعن الشخصية التي تقدمها وصفتها قائلة: ""شادية" كانت بتحب جوزها في الأول لكن بسبب أنه صدها كتير بقت ست عملية مش شريرة هي عايزة تعمل فلوس لأولادها لأنها ضيعت عمرها وشبابها مع جوزها وشايفه أن الفلوس دي حقها، لأنها سرقت الفلوس معاه من الأول فحاسه أن دا حقها".

مسلسل إش إش

وعن الانتقادات التي وجهت لمسلسل "إش إش" كون البطلة تظهر في دور راقصة: "إحنا بدل الرقص محتشمة جدا مفيش أي حاجة باينة لأن مش هو دا موضوع المسلسل، المسلسل بيركز على الحياة الاجتماعية ومن ضمنهم مجال راقصات اللي إحنا منعرفش عنه حاجة".

تدور أحداث مسلسل "إش إش" حول فتاة ترث من والدتها الجمال والفقر تُدعى "إش إش"، وتجد نفسها مضطرة أن تعمل كراقصة، وتدخل إلى عائلة الجريتلي عن طريق الصدفة، لتكتشف أن ما تمر به ما هو إلا امتداد لأسرار مدفونة داخل هذه العائلة.

مسلسل "إش إش" من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف وهم: محمد ممدوح، خالد الصاوي، كريم فهمي، محمد عبدالرحمن، أحمد زاهر، والعمل من تأليف وإخراج محمد سامي.