رأي إياد نصار في أزمة تصريحات عمر متولي عن شكري سرحان: دول اللي خلوك تكون موجود

نهال ناصر | فى سينما وتلفزيون

إياد نصار وشكري سرحان وعمر مصطفى متولي

الأحد , 2 مارس 2025 - 12:03 | اخر تحديث: الأحد , 2 مارس 2025 - 12:03

كشف الفنان إياد نصار عن رأيه في أزمة تصريحات الفنان عمر مصطفى متولي والفنان أحمد فتحي عن الفنان الراحل شكري سرحان.

وقال إياد نصار خلال لقائه في برنامج "حبر سري": "بالنسبة ليا كل جيل قبلي هما اللي صنعوا ليا الحلم لما وعيت على الدنيا وحبيت أبقى ممثل أنا كنت شايف نور الشريف ومحمود عبد العزيز وأحمد زكي، كنت شايف عبير عيسى وربيع شهاب من الأردن، دول اللي خلقوا ليا الحلم وخلوني عايز أبقى ممثل وليهم الاحترام في صناعتي أنا كممثل وبالتالي مينفعش ممثل يقول أي شيء عليهم لأن دول هما اللي خلوك تكون موجود".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

إياد نصار

وتابع إياد نصار: "مش بحب أصادر على رأي حد كل شخص من حقه يقول رأيه، لكن أوقات بيحصل اجتزاء للفكرة أو متكونش ناضجة داخل دماغ الفنان فبيقولها بشكل هو مش قاصد يجرح".

نرشح لك: دانا حمدان: محمد سامي قال لي مي وميس مابحبهمش ومش هيشتغلوا معايا - فيديو

وأكمل إياد نصار:"مثلا السينما العالمية لما انتهت السينما الصامتة ودخل الكلام كان الممثلين لسه متأثرين بالمسرح فكان في طريقة تمثيل مش الحديثة لكن دي المدارس اللي فضلت وتحركت وغيرت طريقة التمثيل، في مرحلة من المراحل الممثل في السينما المصرية كان في شيء من التمثيل المسرحي بس هل مكنش في صدق وحالة حب واللمعة الموجودة في عيون الممثلين بالأبيض والأسود بتمنى تكون عندي، مش مبالغ كبيرة وفلوس في حب وعشق للمهنة، تحترمه وتقول دا اللي خلق لي الحلم، أنا أعتقد خانهم التعبير، التمثيل اتحرك في العالم كله".

شكري سرحان

وكان عمر متولي استضاف الفنان أحمد فتحي في واحدة من حلقات برنامجه "ليك لوك" ووجه له سؤالا جاء فيه: "مين تحسه في تاريخ السينما المصرية نجح أوي بس بنسبة كبيرة مش موهبته كانت ببركة ربنا؟".

عمر متولي وشكري سرحان

ليرد عليه أحمد فتحي: "معظم جانات السينما المصرية"، فيعود عمر متولي ويضيف قائلا: "أنا كانت إجابتي على السؤال دا شكري سرحان".

ليضيف أحمد فتحي: "كله صغيرين وكبار، ممكن تبقى الموهبة مبططة لكن هو نجم شباك وجان".

اقرأ أيضا:

منها "بوجي وطمطم" و"ظاظا وجرجير" وفوازير نادرة لـ نيللي وبرنامج "إديني عقلك" … خريطة ماسبيرو زمان في رمضان 2025

"معاوية" ... دراما ملحمية عن سيرة مؤسس الدولة الأموية تثير الجدل بسبب ظهور الصحابة والمبشرين بالجنة

إياد نصار: مستحيل ألبس حلق

حمادة هلال: كل الموجودين في الشغلة عندهم صراع بين هل الأغاني حلال ولا حرام

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5