إلهام شاهين ترد على جدل تصريحاتها عن الصلاة: اللي مش عاجبه رأيي ميمشيش عليه

نهال ناصر | فى حياة المشاهير

إلهام شاهين

الأحد , 2 مارس 2025 - 11:03 | اخر تحديث: الأحد , 2 مارس 2025 - 11:03

ردت الفنانة إلهام شاهين على الانتقادات التي وجهت لها بسبب تصريحاتها عن الصلاة، وفسرت ما قالته وقتها وقصدها من هذا الحديث.

وخلال لقائها في برنامج "سابع سما" مع راغدة شلهوب عبر قناة "النهار" قالت إلهام شاهين عن الواقعة التي حدث وبسببها كان تصريحاتها عن الصلاة: "المضحك بالنسبة ليا أن دا حصل من 20 سنة، ويمكن أكتر كنت بعمل مسلسل ودا كان بالنسبة ليا شيء جديد ومختلف، كنا في نص مشهد وحد غلط وهنعيد، فطولوا وإحنا قاعدين قدام الكاميرا مستنين وبعدها المصورين خرجوا وأطفت الأنوار وخرجت أشوف في إيه لقيت المخرج جامع الناس في الاستديو وبيصلوا جماعة، استنيتهم يخلصوا ورحنا خلصنا المشهد وقلت رأيي بعدها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

إلهام شاهين

وأكملت إلهام شاهين: "قلت لهم إن المشهد كان ممكن يخلص بعد 5 دقايق أو 10 دقايق كان يجرى إيه لو نخلص الشغل وبعدين تصلوا أنا مش بمانع أن حد يصلي إحنا في مصر بنصلي ممكن مش أول ما الأذان يأذن ممكن لو حد عنده شغل أو حاجة بيخلصها وعنده وقت كافي بين صلاة الظهر والعصر في حوالي 3 ساعات ونص يصلي في أي وقت خلال الـ3 ساعات ونص في وقت بين مواعيد الصلوات مسموح لنا ربنا إدانا هذه الرخصة أن نصلي في أي وقت دا اللي أنا قلته، مش بقول قضاء ولا بقول يضيع ميعاد الصلاة أبدا لكن مش بالضرورة بمجرد أن الأذان يأذن نصلي لأن ربنا مدينا الرخصة دي".

نرشح لك: دانا حمدان: محمد سامي قال لي مي وميس مابحبهمش ومش هيشتغلوا معايا - فيديو

إلهام شاهين في برنامج "سابع سما"

وردا على هجوم الشيوخ عليها ورد الفعل على تصريحاتها قالت إلهام شاهين: "أي موضوع بتكلم فيه دا رأي خاص بيا لا أنا مشرعة ولا بعمل قوانين اللي مش عاجبه رأيي ميمشيش عليه من غير حرب ليه بنقوم حرب، وكل حد حر أنه يرد عليا"

وعن تعليق الفنان دياب وحديثه عن أن التصوير أحيانا يتعطل بسبب أن فنانة تقوم بوضع المكياج، قالت إلهام شاهين:" أعمل قناعاتك اللي أنت شايفه صح أعمله أنا رأيي غير ملزم لحد رأيي يخصني أنا كل واحد حر".

وكان انتشر عبر مواقع التواصل فيديو قديم للفنانة إلهام شاهين قالت فيه: "أنا اشتغلت مع أحد المخرجين كان عادي وطبيعي جدا، وفجأة تدين بشكل غريب بحيث إنه في كل أذان للصلاة والكاميرا دايرة يسيب الكنترول والممثلين وينزل، ولازم العمال كلهم ينزلوا وراه ويقف إمام يصلي بهم كل صلاة، خلص المشهد وصلي في أوضتك، لكن تعطل الأستوديو كله ده عمرنا ما شوفناه، ده التغيير اللي حصل في المجتمع"".

يذكر أن إلهام شاهين تشارك في رمضان 2025 بمسلسل "سيد الناس".