حلف بالطلاق أنه ميقصدش … قصة خلاف علاء زينهم مع عادل إمام

نهال ناصر | فى حياة المشاهير

علاء زينهم وعادل إمام

السبت , 1 فبراير 2025 - 16:01 | اخر تحديث: السبت , 1 فبراير 2025 - 16:01

حكى الفنان علاء زينهم عن الخلاف الذي حدث بينه وبين الفنان عادل إمام خلال مشاركته في مسرحية "الزعيم".

وقال علاء زينهم خلال لقائه ببرنامج "بالخط العريض" من تقديم إيمان أبو طالب عبر قناة الحياة: "في آخر مسرحية "الزعيم" حصل خلاف بيني وبين عادل إمام ومشيت أنا وكنا متخاصمين، أستاذ عادل في مشهد من المشاهد افتكرته هيضربني على وشي، فضل يتكلم مردش عليه حتى جمل المسرحية، بعد ما خرجنا من المسرح نادى عليا وقالي أنا عمري ما أحلف بالطلاق وقالي أنا مقصدش حاجة ولا إيدي اتمدت عليك، عرضنا بعدها كام يوم، وبعد كده شاركته في مسرحية "بودي جارد" لمدة 11 سنة".

علاء زينهم

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن بداية تعارفه بالفنان عادل إمام حكى علاء زينهم: "أنا كنت اعتذرت عن مسرحية "العسكري الأخضر" ومحدش يعرفني خالص ونفسي اشتغل مسرح تاني، روحت أنا وصديق كان أستاذ حسن عبد السلام بيعمل مسرحية "المونولوجست" في المسرح الجديد، بس كان مفيش دور ليا، كنت راجع أنا وصديقي وشفنا مسرح ليسيه الحرية وعرفنا أن أستاذ عادل إمام بيختار أبطال لمسرحيته الجديدة، فقلت لصديقي إحنا منشتغلش مع عادل إمام ونريح دماغنا من اللف، بعدها صديقي صلاح خليفة كلمني وقالي أنه رشحني عن أستاذ عادل إمام".

علاء زينهم

نرشح لك: هنا الزاهد تكشف حقيقة حصولها على سيارة قيمتها 20 مليون جنيه كهدية: كان يوم عيد ميلادي

وتابع علاء زينهم: "كنت فاكره عامل فيا مقلب، لحد ما رحت المسرح وأستاذ عادل دخل وشاف كل اللي قاعدين هو شخص لماح، وقف مع أستاذ شريف عرفة وأستاذ شريف شاور له عليا، قابلني وقالي إزيك اسمك إيه قلت له علاء، قالي مش راكبه علاء دي خالص، فضل يضحك معايا وقالي على الدور اللي هعمله، واشتغلت مع أستاذ عادل إمام ومن وقتها مفيش مخرج يتفرج على مسرحية "الزعيم" إلا وياخدني معاه في عمل".

علاء زينهم

يذكر أن علاء زينه مشارك في رمضان 2024 بمسلسل "عتبات البهجة" مع النجم يحيى الفخراني وصلاح عبد الله وغيرهم من النجوم، كما شارك أيضا في مسلسل "المعلم" مع مصطفى شعبان.