أحمد فهمي: شيلت مسئولية إخواتي البنات وأنا عندي 16 سنة

نهال ناصر | فى حياة المشاهير

أحمد فهمي

الاثنين , 27 يناير 2025 - 16:01 | اخر تحديث: الاثنين , 27 يناير 2025 - 16:01

حكى الفنان أحمد فهمي عن اللحظات الصعبة في حياته بعد وفاة والده وتحمله مسئولية شقيقاته.

وقال أحمد فهمي خلال حواره ببرنامج "كلام نواعم: "من بعد وفاة أبويا أنا كنت لسه في الكونسرفتواروكان عندي طموح إني أدرس برا عشان كنت بدرس موسيقى كلاسيكية، وجالي فرصة في أمريكا بس جيت في لحظة هسيب أمي وإخواتي إزاي، كان عندي 16 سنة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد فهمي في كلام نواعم

وتابع أحمد فهمي: "قبلها فكرة شيل المسئولية دي كانت موجودة، فكرة 5 بنات فالأب بتبقى مسئولية كبيرة فأنا في وقت معين لو أنا في المدرسة محتاجين كشكول للجغرافيا وكشكول للتاريخ كنت أقول لأبويا عايز واحد وأقسمه عشان أوفر له".

نرشح لك: مروة صبري تهاجم آلاء عبد العزيز: تريند رخيص وفاشل وأهبل

أحمد فهمي

View this post on Instagram

A post shared by كلام نواعم Kalam Nawaem (@kalamnawaeminsta)

وخلال اللقاء حكى أحمد فهمي عن موقف صعب مر به غير طريقة تفكيره في الحياة عندما أجرى عميلة القلب المفتوح.

أحمد فهمي

وقال أحمد فهمي "بحب اهتم بجسمي أوي وأروح الجيم وأكل كويس، في 2016 كنت أول مرة اشتغل مسلسل لرمضان وأخلص قبل رمضان عادة بنخلص تصوير في رمضان، خلصت قبله بكام يوم وأنا بحب الحلويات أوي ورمضان بقى كنافة وقطايف لقيت نفسي بزيد على الميزان قلت أروح للدكتور عشان أظبط الأكل، وهو بيكشف عليا عمل ريأكشن كده حاول ميبينوش بس أنا فهمت وطلب مني تحاليل".

وتابع أحمد فهمي: "عملت التحاليل رجعت له قالي أنت عندك حاجة في القلب قلت له إزاي المفروض أحس بأعراض، قالي محتاجين نكشف، كشفت في حاجة اسمها الصمام الميترالي عندي فيه قطع بسبب العصبية، سافرت وعملت عملية قلب مفتوح في إنجلترا فجأة في اللحظة دي شفت الحياة بمنظور مختلف تماما الدكتور وهو معايا دخلنا أوضة العمليات عشان يشرحلي قالي السرير دا أنت ممكن بعد ساعتين تقوم وممكن لأ بيتكلم عادي أنا مأخدتش الكلمة أنها حاجة وحشة وأخدتها بطريقة إيجابية بس من اللحظة دي بقيت بشوف الحياة بمنظور مخالف وأن الواحد بيلهث على أشياء ممكن تكون مش مهمة أوي".

اقرأ أيضا:

يبدأ من 5 ملايين جنيه ... أحمد سعد يعرض "بالطو" جوي أووردز في مزاد لصالح مستشفى 57357

ليلى علوي تحتفل بعيد ميلاد نجلها وتنشر ألبوم ذكرياتهما

روبي بفستان أسود قصير في أحدث حفلاتها الغنائية

نجلاء بدر تدافع عن نادية الجندي بعد انتقادات إطلالتها في Joy Awards: هتعيبوا في خلق ربنا؟

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5