مقلب شيري عادل في بشرى … ماذا فعلت؟

نهال ناصر | فى حياة المشاهير

بشرى وشيري عادل

الأحد , 12 يناير 2025 - 11:53 | اخر تحديث: الأحد , 12 يناير 2025 - 11:53

نفذت الفنانة شيري عادل مقلبا في صديقتها بشرى، وخدعتها بفكرة اعتزال التمثيل.

وحلت شيري عادل ضيفة على برنامج "آخر سؤال" يعرض عبر قناة "أبو ظبي" وطُلب منها أن تنفذ مقلبا في صديقة لها من الوسط الفني وكان اختيارها بشرى واتصلت بها ودار بينهما الحوار التالي.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

قالت شيري عادل: "أنا أخدت قرار وعايزة أقولك عليه وعايزاكي تشجعيني دا قرار مصيري ومحتاجاكي تقفي جنبي فيه، أنا قررت اعتزل التمثيل وهفتح حضانة أطفال".

نرشح لك: ريهام عياد ترد على الهجوم عليها بسبب حلقة أحمد عدوية: مش ندمانة

لترد بشرى: "نعم نعم لأ ثانية واحدة يعني إيه الكلام الكبير دا إنتي بتهزري".

بشرى وشيري عادل

لتقول شيري عادل: "لا أنا مبهزرش، إيه المشكلة أنا كنت فاكراكي هتقفي جنبي".

لتقول بشرى: انتي بتشتغليني يا حبيبتي شكلك كده؟

بشرى

لتعود وترد شيري عادل: " لا مبشتغلكيش أنا فاكراكي أن أي قرار متفقين عليه إحنا أصحاب وأي قرار المفروض أن انتي تقفي جنبي فيه".

فقالت لها بشرى: "أيوة دا كلام أنتي عيلة صغيرة تعتزلي إيه هو فيه "فرة" في البلد حكيم عايز يعتزل ومش عارف مين عايز يعتزل دا كلام مش منطقي".

فقالت شيري عادل: "ما أنا هفتح حضانة، حضانة افتحيها كده كده وأنتي شغاله إيه هيمنعك؟ مش هعرف أركز فيها دا خلاص قرار أخدته ومش هرجع فيه".

لترد مجددا بشرى قائلة: "هو إيه اللي قرار أخدتيه مفيش حاجة اسمها كده مش كل حاجة ليها منطقية ليه قولتي حاجة زي كده ليه جيه في بالك".

بشرى

لتكشف لها أخيرا شيري عادل أنه مقلب نفذته فيها.

View this post on Instagram

A post shared by قناة أبوظبي (@abudhabitv)

يذكر أن آخر أعمال شيري عادل كان مسلسل "الوصفة السحرية".

ومسلسل "الوصفة السحرية" بطولة شيري عادل، بسمة داود، إسلام جمال، عمر الشناوي، كارولين عزمي، هيدي كرم، لقاء سويدان، سلوى محمد علي، وليد عبدالغني، رانيا منصور، محمد أبو داوود، عماد رشاد، سلوى عثمان، والعمل من تأليف مصنع الحكايات لمؤسسها هاني سرحان، وفكرة مي سعيد، وإشراف على الكتابة دعاء عبدالوهاب، وسيناريو وحوار منة فوزي وإيرين يوسف ومي سعيد وإخراج خيري سالم.