تامر حسني عن إمكانية عودته لبسمة بوسيل: ولاد الحلال بيحاولوا يصلحوا بينا

نهال ناصر | فى حياة المشاهير

تامر حسني وبسمة بوسيل

السبت , 4 يناير 2025 - 11:19 | اخر تحديث: السبت , 4 يناير 2025 - 11:19

تحدث الفنان تامر حسني عن إمكانية عودته لطليقته الفنانة بسمة بوسيل معلنا أن هناك محاولات للصلح بينهما.

ونشر تامر حسني عبر خاصية القصص القصيرة في حسابه على Instagram مقطع فيديو من لقاء له مع ET بالعربي وأوضح أن رده لم يكن على السؤال حول عودته لطليقته وحكى ما حدث في كواليس اللقاء.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

تامر حسني وبسمة بوسيل

وكتب تامر حسني: "طبعا هما بيدوني ورقة اقرأها والسؤال المذيعة مسألتوش المفروض بقرأها أنا لوحدي وليا حق الرد أو لأ، والمفروض المذيع ميقولهاش بما أنه بيوريهالي على ورقة".

نرشح لك: منة شلبي ومحمد سامي ومي عمر وأنغام وباسم سمرة وليلى علوي من بينهم … النجوم في عيد ميلاد إلهام شاهين

وتابع تامر حسني: "أنا قريت بس كلمة إشاعات فرديت على طول، ومعرفش السؤال تكملته إيه لأن سنة جديدة مش هعيد على الناس أكيد غير بدعوة حلوة للناس وللبلدان العربية، مش إني اتكلم على إشاعات، اعتقد مكنش ينفع أن المذيع يذكر سؤال المفروض أنه سري عشان كده مكتوب وكمان المذيعة مسألتوش لأن السؤال احترم حريتي الشخصية واتكتب في ورقة يبقى إزاي بنعرضه للناس، أتمنى من أي مذيع ومحطة كبيرة متقعش في الخطأ ده تاني لأننا بنحترمكم ونقف نتكلم معاكم بكل حب هي ملحوظة بمنتهى الحب مش أكتر لأن الطريقة دي ممكن تتسبب غصب عنكم في فتن وممكن تتفهم غلط خصوصا أني مكملتش قراءة السؤال لأن أول كلمة إشاعات".

بسمة بوسيل وتامر حسني

واختتم تامر حسني كلامه: "ولو في أي تردد كلام عن محاولات رجوعي لبسمة فا هي مش إشاعات وبالفعل في أولاد حلال بيحاولوا يصلحوا الموضوع بينا وكتر ألف خيرهم ورينا يقدم اللي فيه الخير لينا".