مي كساب عن رثاء نشوى مصطفى لزوجها: كلامها درس كبير لكل زوج وزوجة

مي جودة | فى حياة المشاهير

مي كساب

الثلاثاء , 31 ديسمبر 2024 - 11:19 | اخر تحديث: الثلاثاء , 31 ديسمبر 2024 - 11:21

ساندت النجمة مي كساب، الفنانة نشوى مصطفى بعد رحيل زوجها، بكلمات رقيقة مؤثرة.

نشرت مي كساب صورة لنشوى مصطفى مع زوجها الراحل، وعلقت عليها كاتبة: "نشوى مصطفى، بحبك من كل قلبي مثال للست المصرية الأصيلة المشرفة اللي عارفه دينها وعارفه حدودها وواجباتها، فنانة عظيمة وأم وزوجة أعظم، أد ايه كلامك عن جوزك لمس قلبي وأثر فيه".

وتابعت: قالت عنه "سترتني وأكرمتني وجبرت خاطري وعلمتني وربيت عيالنا أحسن تربية، ٣٣ سنة ما بعدناش عن بعض لحظة"، كلامها درس كبير لكل زوج وزوجة، ربنا يراضيها بقضاءه ويبرد قلبها ويصبرها علي فراقه هي وأولادها، ادعو للزوج الكريم محمد عماد زوج نشوي مصطفي بالرحمه والمغفره وادعو لنشوي وولادها.

مي كساب ونشوى مصطفى

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

كانت نشوى مصطفى رثت زوجها بمنشور مؤثر جاء به: "سترتنى ربنا يسترك
اكرمتنى ربنا يكرمك
سيبت لى اجمل هدية ولادنا ربنا يهاديك بالفردوس الاعلى
٣٣ سنة ستر وكرم ومحبة ومودة ورحمة
علمتنى ازاي اكون من المتصدقين
علمتنى ازاي اكون دايماً فى معية الله
علمتنى ازاي تكون عزة النفس
علمتنى ازاي اتسامح حتى مع اللي اذانى
علمتنى ازاي اتوكل على الله فى كل شئونى
علمتنى ازاي اكرم ضيفى
علمتنى معنى التواضع مع عباد الله الضعفاء
يانبيل الاخلاق ياابن الاصل العالى
نسيت تعلمنى ازاي اقدر اعيش من غير وجودك
٣٣ سنة مبعدناش عن بعض لحظة
٣٣ سنة ذكريات وحياة بحلوها ومرها
٣٣ سنة كنت خير زوج وخير أب
٣٣ سنة اكرمتنى وسترتنى وجبرت خاطرى وربيت عيالنا احسن تربية
ليه ياعماد سيبتنى لوحدى كده - مااستاهلش منك تسيبنى لوحدى ده انا مبعرفش اعمل حاجة فى الدنيا - انت اللي كنت بتعمل لنا كل حاجة - انت اللي سندتنى فى كل ظروف حياتى الصعبة — فى شدتى وفى مرضى شيلتنى وطبطبت عليا - ياااااه على غلاوتك ياعشرة عمرى — يااااااه على غلاوتك ياابويا واخويا وحبيبى وجوزى وابنى — باموت ياعماد — باموت وانت مش قدام عينى — حاكمل ازاي يارب من غيره
ادعو له بالرحمة وادعولى بالصبر وادعو لولادى بالصبر والثبات".
اقرأ أيضا: