هنا الزاهد: تعرضت للتنمر في بداياتي بسبب صوتي

نهال ناصر | فى حياة المشاهير

هنا الزاهد

السبت , 7 ديسمبر 2024 - 12:12 | اخر تحديث: السبت , 7 ديسمبر 2024 - 12:12

كشفت الفنانة هنا الزاهد عن تعرضها للتنمر في بداية مشوارها الفني وتأثير هذا عليها.

وقالت هنا الزاهد خلال لقائها في برنامج "ضيفي مع" من تقديم معتز الدمرداش: "أول ما بدأت أظهر تنمروا على صوتي قالوا صوتها مش لايق على شكلها، كانوا فاكرين أول ما شافوا شكلي رقيقة لقوا صوتي قوي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

هنا الزاهد في برنامج "ضيفي مع"

وتابعت هنا الزاهد: "دا كان أول انتقاد جالي واتخضيت لأني عمري ما ركزت أصلا، وفي الأول قعدت أعيط وإيه دا صوتي وحش، بس لا الحمد لله إني مطلعتش رقيقة وكيوت".

نرشح لك: ياسمين صبري وإلهام شاهين ويسرا والنجوم يتألقون في فعالية "نساء في السينما" بمهرجان البحر الأحمر

هنا الزاهد

وأكملت هنا الزاهد: "أنا مكنتش عارفة يعني إيه تنمر، في المدرسة كان في ولد شاطر أوي في التنمر وأنا مكنتش فاهمة معنى الكلمة، كان بيبهدل الناس".

وخلال اللقاء كشفت هنا الزاهد مواصفات الرجل المثالي بالنسبة لها.

وقالت: "لازم يبقى دمه خفيف علشان يفهم أنا بقول إيه. أنا ساعات بقعد مع ناس دمهم تقيل مش فاهمين أنا بقول إيه، وأقعد أقول إفيهات أفلام مبيردوش عليا".

هنا الزاهد

وأضافت هنا الزاهد: "مهما كان فيه مميزات، اللي ميفهمش الإفيهات بتاعتي وهزار الأفلام بحس إنه من عالم تاني، ويبقى دمه خفيف بس مش عمال على بطال".

وتابعت: "يكون لذيذ بس في وقت الجد جد، مش مونولوجست، ويكون طيب معايا وشرس مع كل الناس، طيب بس مش أهبل".

يذكر أن هنا الزاهد تنتظر عرض أحدث أعمالها السينمائية فيلم "بضع ساعات في يوم ما"، المقرر طرحه في السينمات بتاريخ 26 ديسمبر الجاري.

وفيلم "بضع ساعات في يوم ما" يشارك في بطولته كل من مي عمر ومحمد الشرنوبي وهشام ماجد وهنا الزاهد وأحمد السعدني وناهد السباعي وأسماء جلال، ومن تأليف الكاتب محمد صادق وإخراج عثمان أبو لبن وإنتاج أحمد السبكي.

اقرأ أيضا:

#شرطة_الموضة: تعديلات ياسمين صبري على فستانها في افتتاح المهرجان البحر الأحمر تفسده!

منى زكي وهند صبري وبسنت شوقي من بينهم ... النجوم في فعالية "نساء في السينما" بمهرجان البحر الأحمر

أسماء جلال بالحجاب ورومانسية مي عمر وأحمد السعدني وكوميديا هنا الزاهد وهشام ماجد ... أبرز لقطات برومو "بضع ساعات في يوم ما"

"أنا ليا قيمة.. أنا مش فستان"... هل غيرت زينة رأيها في حضور المهرجانات دون تكريم؟

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5