خالد الصاوي يكشف سبب رفضه تقديم شخصية صدام حسين

نهال ناصر | فى سينما وتلفزيون

خالد الصاوي

الاثنين , 2 ديسمبر 2024 - 16:12 | اخر تحديث: الاثنين , 2 ديسمبر 2024 - 16:12

كشف الفنان خالد الصاوي أنه رفض تقديم دور صدام حسين في عمل عرض عليه.

وحكى خالد الصاوي خلال لقائه في برنامج "مع نزار" من تقديم نزار الفارس: "اتعرض عليا لكن من جهة أجنبية ومينفعش، أنا وأخويا على ابن عمي وأنا وابن عمي على الغريب لو هو إنتاج عربي هقبل، وأقدم الشخصية دي على حسب الكتابة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

خالد الصاوي

وأضف خالد الصاوي: "لو اشتغلت على الشخصية هقدر أقدمها، لو قعدت أحضر سنة ومع ناس متخصصة تقدر تساعد، وطالما في مخرج شايف إني أقدر أقدم شخصية صدام حسين يبقى هقدر أقدمها".

نرشح لك: بدأ التمثيل في طفولته وتزوج من فنانة وانتشرت شائعة وفاته قبل سنوات وقبض عليه مرتين بالمخدرات … 16 معلومة عن هيثم محمد

خالد الصاوي

وخلال اللقاء كشف خالد الصاوي عن ندمه أنه لم يتزوج مبكرا وينجب.

وقال خالد الصاوي: "ندمت إني مخلفتش، الجواز لازم يبقى بدري لو خلفت دلوقتي هبقى جده مش أبوه هحبه بس مش هلحق أكمل معاه المشوار".

وتابع خالد الصاوي متحدثا عن سبب عدم إنجابه: "أنا مخلفتش عشان كان عندي فيرس سي وكنت بتعالج منه وأخدت حاجة زي "سم" بيتعقب الفيروس في الجسد عشان يسممه، جسمي كان فيه فيروس وسموم هخلف ليه، لكن دا برضو مكنش قرار صح".

خالد الصاوي

كما تحدث خالد الصاوي عن فترة من حياته في عمر الثلاثييات والأربعينيات من عمره عندما سلك طريق الإلحاد وكيف عاد منه.

قال خالد الصاوي: "كنت ملحد سنين، كان بالنسبة لي القضية إزاي؟ كان عندي إيمان قلبي شوية، في نوع بيسموه الإلحاد بس صوفي، بمعنى، إنها قضية لا يمكن حسمها، 50% فيه إله، و50% مافيش، لأنه الحواس مش موصلة لك، والاستنتاج العقلي بيدي لك الاتنين، ممكن يقول لك أحيانا طبعا في إله، وأحيانا تانية يقول لك لأ، أنا وصلت لها بالقلب مش بالعقل".

وتابع: لما بليل بتعرض لموقف وأبقى حاسس إن أنا هموت وهتشل أو هروح المستشفى، وأقول يارب انقذني، ليس من الرجولة بقى ولا النخوة إنك تصحى الصبح وتكفر به، وكذا مرة بنقذني في اللحظة الحرجة، بس لو أنت شوفت بيعمل معايا ايه وبينقذني إزاي لازم تؤمن.