أسما إبراهيم تكشف عن فارق العمر بينها وبين زوجها: 40 سنة

نهال ناصر | فى حياة المشاهير

أسما إبراهيم

الثلاثاء , 12 نوفمبر 2024 - 15:11 | اخر تحديث: الثلاثاء , 12 نوفمبر 2024 - 16:11

كشفت الإعلامية أسما إبراهيم عن فارق العمر بينها وبين زوجها.

وحكت أسما إبراهيم خلال لقاء ببودكاست "مع نور الدين": "اتجوزت وأنا صغيرة جدا كان عندي حوالي 22 سنة، الفرق بيني وبين جوزي كبير حوالي 40 سنة، حسيت معاه إني لقيت أب لكن أنا دايما عمري ما شفته بابايا طول الوقت بحس أنه صاحبي الجدع".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أسما إبراهيم

وتابعت: "حياتي كانت مقفولة أوي برفض ارتبط وأنا في الجامعة قلقانة من الارتباط مش عارفة ليه لحد ما اتعرفت على جوزي، حد حسيت معاه بأسلوبه وبطريقته حسسك أن تمام وانضم للناس اللي بتدلعك، أنا كنت بشوف نماذج سيئة حواليا جوازات فاشلة وعلاقات مريضة كان عندي حالة رعب مش عايزة أعيش دا".

نرشح لك: #شرطة_الموضة: راغب علامة وابنه يعيدان ارتداء بدلة آسر ياسين الواسعة في الجونة

أسما إبراهيم

وحكت أسما إبراهيم عن فترة انفصالها عن زوجها وعودتهما مجددا قائلة: " إحنا سيبنا بعض انفصلنا فترة حوالي سنتين ونص أو تلاتة ودخل في حياتي ناس الفترة دي وخرجوا منها وفضل هو اللي موجود أب لولادي وبيحاول يقوم بدور أب ليا والحبيب المخلص والزوج الداعم والصاحب اللي ممكن أحكيله كل حاجة أنا رحت حكيلته أنا ارتبط بفلان".

وأكملت أسما إبراهيم: "وقت ما انفصلنا أنا ارتبطت خطوبة، ولما حكيلته إني ارتبطت قالي جربي وشوفي أنا بس عايزك تكوني مبسوطة لأني أنا وعدتك من أول يوم أن أهم حاجة عندي أنك تكوني مبسوطة جربي وأنا معاكي في أي حاجة".

أسما إبراهيم

وأكدت أسما إبراهيم أنها تعيش أفضل فترات حياتها قائلة: أكتر فترة حاسه فيها بأمان دلوقتي، إحنا انفصلنا عشان أنا سمحت لناس تدخل في حياتنا فخربوا البيت، عشان كده لما رجعنا أخدت عهد على نفسي مش عايزة حد يتدخل في حياتي، لما انفصلت أول مرة مكنتش مشهورة لكن دلوقتي مش ذنب جوزي ولا أولادي إني مشهورة".