عمر مصطفى متولي يكشف سبب تركه لـ"مسرح مصر": كنت محتاج أخد راحة

نهال ناصر | فى سينما وتلفزيون

عمر مصطفى متولي

الجمعة , 8 نوفمبر 2024 - 11:39 | اخر تحديث: الجمعة , 8 نوفمبر 2024 - 11:39

كشف الفنان عمر مصطفى متولي سبب عدم استمراره في فرقة "مسرح مصر"، وأكد أنه عندما ترك الفرقة لم يكن هناك أي خلاف بينه وبين الفنان أشرف عبد الباقي.

وقال عمر مصطفى متولي خلال لقائه في برنامج "الراديو بيضحك" من تقديم فاطمة مصطفى عبر إذاعة "الراديو 9090": "قعدت 5 سنين، أنا كنت وقتها بحضر فيلم اسمه "الجبابرة" وكنت نزلت دعاية ليه لكن هنعيده من أول لأن كان فيه النجمات رجاء الجداوي ولبنى محمود ومها أبو عوف اللي توفوا، القصة كنت أنا وسواق أتوبيس مع 10 ستات فوق السبعين سنة، فلازم نعيد التصوير، أنا كنت بحضر الفيلم ده في وقت بداية الموسم السادس من "مسرح مصر" والمسرح كان بياخد مننا 16 ساعة في اليوم لمدة 4 أو 5 أيام، أخري أصور معاه حاجة بسيطة، كان مرهق جدا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع عمرو مصطفى متولي متحدثا عن تجربة "مسرح مصر": "كان عندي مشكلة تانية كان بقالنا 5 سنين بنعمل 20 أو 25 مسرحية، كم الأفكار اللي اتعملت وخرجت، الفنانين الكبار مثلا أستاذ فؤاد المهندس وعادل إمام وسمير غانم بيعملوا رواية تقعد سنين وحافظينها مش واخدة من حياتهم ضغط، إحنا كنا كل 3 أيام نعمل رواية جديدة ونحبط يوم الخميس لأنها مش بتضحك وبعدين تضحك يوم السبت فنصورها الحد، فنقوم يوم الإتنين نبدأ في رواية جديدة".

نرشح لك: مديحة حمدي تتحدث عن خطبتها لعادل إمام: الموضوع كان قدر

واختتم عمر مصطفى متولي حديثه: "مكنتش مبسوط وأنا بسيب، ما أنا باخد فلوس حد هيكره الفلوس، كنت داخل على فيلم من أحلام حياتي وداخل على حاجات تانية وكنت محتاج أخد راحة".

يذكر أن عمر مصطفى متولي عرض له مؤخرا فيلم "بنسيون دلال".

الفيلم من تأليف شادي الرملي وحسين نيازي وبطولة بيومي فؤاد وعمر متولي ومحمود حافظ ووليد فواز ومحمد رضوان وطاهر أبو ليلة وإبرام سمير وأسامة السيد الشهير بميكا وخالد سرحان وأمجد الحجار وجيهان خيري وألحان المهدي وإسراء رخا ميشيل ميلاد ويوسف إسماعيل وأمجد عابد وأسامة عبد الله وسلمى المحجوبية وغادة طلعت وضيفة شرف الفيلم النجمة نسرين أمين ومن إخراج شادي الرملي.