مصطفى خاطر: اشتغلت نقاش وحمدي المرغني ومحمد أنور اشتغلوا معايا

مي جودة | فى حياة المشاهير

مصطفى خاطر

الخميس , 7 نوفمبر 2024 - 15:11

روى الفنان مصطفى خاطر العديد من ذكرياته عن أيام الجامعة، ومهنته كنقاش قبل احترافه للتمثيل.

قال مصطفى خاطر: "انا محدش يتوقعني، صنعتي كانت نقاش، كنت صنايعي وحمدي المرغني ومحمد أنور اشتغلوا معايا، اشتغلوا معايا شغلنتين، وأنا اشتغلت كتير، اشتغلت ترزي واشتغلت حلاق وبصلح صيانة بوتاجازات وثلاجات، أجهزة منزلية، بس اللي حبتها النقاشة"، حسب تصريحاته لبودكاست "فايق ورايق" الذي يقدمه الإعلامي الرياضي إبراهيم فايق.

وتابع مصطفى خاطر: النقاشة فيها فن ومكان بيبقى أسود مضلم وبتخرج منه، وكنا بنشتغل مع صنايعية كبار، معلمين، فكنا بنشتغل في أماكن عالية، بنعمل فلل وحاجات من دي، فكان ربنا رزقني بصنايعي كسلان، وعشان كسلان علمني، زمان كان محدش بيعلمك سر الصنعة بسهولة، وانا كنت بشتغل وانا في تانية إعدادي، ودا لما استقريت على الصنعة اللي بحبها، لأني بدأت عمل في خامسة ابتدائي.

وكشف مصطفى خاطر عن سبب عمله مبكرا، قال: "إحنا ثقافتنا في البيت كدة، لازم تتعلم صنعة، لازم يكون معاك حاجة، لو فشلت في التعليم إيه اللي يحصل؟ يكون معك حاجة تعملها وتصرف على نفسك، لازم تشتغل، ودا اللي اتعلمته، مصر احنا صنايعية أصلا دا احنا بنينا الهرم.

وقال مصطفى خاطر: "اشتغلت مع 3 صنايعية كلهم مسجلين خطر، منهم واحد كان اسمع ابراهيم، كان بيلعب في نادي الزمالك، وحصلت له إصابة في الثانية، ملعبش وبقى يعيث في الدنيا فساد، اتعلم صنعة وبقى يشتغلها وهو راجل (ديكوريست) أد الدنيا دلوقتي، التانيين اتقلتوا وماتوا، دا اللي كمل وبقى حاجة، وعلموني، وفي 3 ثانوي بقيت أنا المقاول، واخد الشغلانة لحسابي، ويشتغل تحتي رجالة بشنبات".

مصطفى خاطر

واستكمل مصطفى خاطر: كنت بشتغل في الجامعة عشان اجيب فلوس عشان اعمل ديكور لمسرحية، جنان رسمي، كنت صغير وبعمل فلوس حلوة، ودي اكتر من ميزة إني صغير وبريح عن أهلي وتحس بنفسك، وخدت محمد أنور وحمدي المرغني شغلانة".

على جانب آخر، شارك مصطفى خاطر، مؤخرا في مسلسل "البيت بيتي2"، استكمالًا للجزء الأول الذي سبق عرضه للمرة الأولى في مايو 2022، وتدور أحداث الجزء الثاني حول دعوة أحد رجال الأعمال لبينو وكراكيري ليجدوا أنفسهم في مغامرة رعب جديدة.

مصطفى خاطر

والمسلسل من بطولة النجمان مصطفى خاطر وكريم محمود عبدالعزيز، وبمشاركة عدد من النجوم أبرزهم ميرنا جميل، سليمان عيد، كريم محمود عبدالعزيز، صبحي خليل، أحمد بدير، محمد بطاوي، ومن تأليف كريم سامي وأحمد عبدالوهاب، وإنتاج شاهد من أعمالها الأصلية، وإخراج خالد مرعي.

اقرأ أيضا:

براءة رضوى الشربيني من سب وقذف "زوج المحلة"

#شرطة_الموضة: فيفي عبده ترتدي الملس الصعيدي مع مصوغات ذهبية على الطراز الخليجي

ياسمين رئيس: من الممكن أن ابتعد عن الفن بسبب دراسة ابني

موعد عرض مسلسل "رقم سري" على dmc

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5