حسن يوسف يتحدث عن بداية قصة ارتباطه بشمس البارودي: عجبني فيها إنها شخصية بتحب عيلتها

مي جودة | فى حياة المشاهير

حسن يوسف وشمس البارودي

الثلاثاء , 29 أكتوبر 2024 - 14:22

زواج النجم الراحل حسن يوسف بالنجمة شمس البارودي استمر لـ50 عاما، وعن بداية شرارة الحب، روى الراحل القصة كاشفا عن أكثر ما أعجبه فيها.

قال حسن يوسف خلال حلوله ضيفا في برنامج "كلام الناس" الذي تقدمه ياسمين عز: "كنت في سوريا، وساعتها سمعتي كانت معروفة، وهي أصلها سوري من بيت البارودي، بس كانت حذرة جدًا في التعامل معايا، لما كان ولاد عمها ييجوا يقولولها هنتغدا بكرة سوا، أدخل في الموضوع وألاقيهم بيعزموني معاها، وكانت بتضايق، وبدأنا نتعرف من ساعتها".

حسن يوسف مع شمس البارودي

واستكمل الفنان حسن يوسف: عجبني فيها إنها شخصية بتحب عيلتها، ومن كلامي معاها عرفت إنها محبة جدًا لوالدتها، أعجبت بجمالها وأخلاقها،الخطوبة والزواج تما في شهرين، عترفت لها بحبي وقالت لي لا، وبعدين قولت لها مستعد نتخطب ونكتب الكتاب هنا، اتخطبنا في شهر يناير في سوريا، وشهر فبراير كان الجواز.

وفي لقاء آخر، كشف حسن يوسف عن سر سعادته الزوجية، قائلا: "أنا بقالي 50 سنة متزوج من شمس البارودي، وبحمد ربنا لأن دي نعمة، وأكيد المساواة بين الطرفين شيء أساسي؛ والكلام المنتشر أن الراجل أحسن من الست أو أهم منها، ميصحش؛ لأن مفيش حاجة اسمها سي السيد أو أن الراجل يعمل اللي عايزه والست لأ، دي حاجات غريبة عمرنا ما سمعنا بيها على أيامنا، الناس زمان كانوا حاجة تانية".

حسن يوسف وشمس البارودي

وأضاف: "الراجل لازم يحترم الست ومينفعش يقلّل منها لأي سبب، وسر زواجي 50 سنة هو الاحترام والحب، والعطاء ومش معناه فلوس بس، وفكرة الانفصال دي بعيدة إنما دلوقتي كل الشباب عايزين يتطلقوا".

اقرأ ايضا:

رانيا يوسف تخطف الأنظار بإطلالة جريئة في خامس أيام مهرجان الجونة (صور)

يسرا اللوزي وأروى جودة وداليا شوقي من بينهم ... نجوم الفن في حفل دار أزياء على هامش مهرجان الجونة

تفاصيل رحلة الـ 48 لبطل مسلسل Emily In Paris ونيسلهان أتاجول وبوراك دينيز في مصر

حلا شيحة في ندوة فيلم "السلم والثعبان" بمهرجان الجونة: شخصيتي في الفيلم تشبهني

لا يفوتك: في الفن يكشف حقيقة وليد فواز مبدع أدوار الشر