عمرو أديب عن أزمة لاعبي الزمالك بالإمارات: سلوك اللاعب مسألة مهمة إحنا شفنا الأهلي عمل إيه

نهال ناصر | فى حياة المشاهير

عمرو أديب

الثلاثاء , 22 أكتوبر 2024 - 11:10 | اخر تحديث: الثلاثاء , 22 أكتوبر 2024 - 11:10

تحدث الإعلامي عمرو أديب عن أزمة لاعبي نادي الزمالك والتحقيق معهم في الإمارات بعد تعديهم على أحد المنظمين أثناء مباراة الزمالك وبيراميدز في نصف نهائي البطولة.

وقال عمرو أديب في برنامجه الحكاية: "الكلام أن نادي الزمالك بيهدد بالانسحاب طبعا دا قرار غير جدي يعني أنت المفروض كمربي يا كابتن حسين لبيب لو اللاعيبة بتاعتك غلطانة أنت لا تنسحب، أنت تشوف تحل الموضوع دا إزاي يحصل تصالح بين الطرفين واعتذار، اللاعب لو ضرب المنظم لازم يتعاقب، مش أنا زملكاوي أنا بقول لحضرتك لو أنتوا غلطانين تتعاقبوا بالقانون، كون أن أنت ناوي تنسحب وترجع من أبو ظبي، نحن كمصريين منحبش الصورة دي برا وفي بلد شقيق زي الإمارات، الناس أحسنوا استقبالنا وأحسنوا التعامل معنا".

تابعوا قناة FilFan.com على الواتساب لمعرفة أحدث أخبار النجوم وجيدهم في السينما والتليفزيون اضغط هنا

عمرو أديب

وتابع عمرو أديب: "سلوك اللاعب دا مسألة مهمة إحنا شفنا الأهلي عمل إيه، محمد رمضان رجع كهرباء مصر وخصم منه مليون جنيه وهو رايح ماتش نهائي، أخلاق، ما أنت متقوليش إنك أكبر قلعة رياضية في مصر ومش عايز تعمل هذا الأمر، يجب أن تفصل بين الماتش والبطولة وأخطاء اللاعيبة".

نرشح لك: شيرين عبد الوهاب تدخل موسوعة جينيس للأرقام القياسية ... ما السبب؟

عمرو أديب

وأضاف عمرو أديب: "يجب أن يتدخل اتحاد الكرة ووزير الرياضة الأمر حساس ومش عايزين نعمل مشاكل، عايزين تنسحبوا انسحبوا ولكن هذا ليس الحل الصحيح ولا الرياضي ولا الأخلاقي، أو قول لي اللي مقدرتش تقوله في البيان أن اللاعيبة مغلطتش ومظلومة".

عمرو أديب

وأكمل عمرو أديب متحدثا عن أزمة اللاعبين: "الإمارات عندما تحقق معهم وتحولهم للنيابة لأن دا مش فاول في الملعب دا اعتداء من لاعيبة على موظف داخل الاستاد ومن حق الإدارة الإماراتية أن تأخذ كل قراراتها، أرجوك يا كابتن حسين بلاش تحل الموضوع بالطريق دا، أنا عارف أنا بتكلم عن مين الناس دي هتطبق القانون مهما حصل، من دلوقتي بوجه ليك نداء مش قدامك غير إنك تسوي الأمور بشكل ودي، مفيش جملة في البيان بتقول أن اللاعيبة مش غلطانة أنت حتى مش قايل للناس إيه الحكاية معندكش الجرأة تقول للناس إيه اللي حصل".

واختتم حديثه: "في دولة الإمارات العربية الشقيقة مفيش هزار في القانون لو أنت معتدي هتتعاقب لو أنت مين ولو مظلوم هيتم الإفراج عنك، القانون له السيادة في دولة الإمارات العربية وبصراحة ملوش دعوة دا أهلي ولا زمالك ولا مين، لو أثبتت الفيديوهات والتحقيقات أنك معتدي على هذا المنظم يجب أن تدفع الثمن".

وفاز الزمالك على بيراميدز في مباراة نصف نهائي كأس السوبر المصري، بركلات الترجيح ليتأهل لنهائي البطولة ويلاقي النادي الأهلي يوم 24 أكتوبر.