محمود شاهين عن وجود راقصة في حفل عيد ميلاده: مراتي اللي جابتها عشان عارفة أني بحب الرقاصات

نهال ناصر | فى حياة المشاهير

محمود شاهين وزوجته

الجمعة , 18 أكتوبر 2024 - 12:08 | اخر تحديث: الجمعة , 18 أكتوبر 2024 - 12:08

كشف مدير التصوير محمود شاهين، ابن شقيق الفنانة إلهام شاهين، كواليس حفل عيد ميلاده الذي تصدر به "التريند" أيضا بسبب وجود راقصة فيه.

وحكى محمود شاهين خلال لقائه في برنامج "شاي بالياسمين" مع ياسمين الخطيب عبر قناة "النهار" أن زوجته هي من أحضرت الراقصة لأنها تعرف أنه يحب الراقصات.

تابعوا قناة FilFan.com على الواتساب لمعرفة أحدث أخبار النجوم وجيدهم في السينما والتليفزيون اضغط هنا

محمود شاهين وزوجته

وقال محمد شاهين: "مراتي هي اللي جابت الرقاصة في الفرح وفي عيد ميلادي وهي اللي جابت الساحر لأن عيد ميلادي كان مفاجأة بالنسبة ليا، لأنه عيد ميلادي الـ30 وأنا مكنتش عايز أعمل عيد ميلاد، جابت أصحابي وعملت مفاجأة، مكنتش متخيل أي حاجة جيبالي هدية لذيذة وأصحابي حواليا ومبسوط، فجأة لقيت ساحر لذيذ جدا".

نرشح لك: محمود شاهين: إلهام شاهين ربتنا على الدين واحترام الآخر

وتابع: "هي عارفة أن أنا بحب الرقاصات وبحب اتفرج على الرقاصة وبحب الرقص بكل أشكاله إذا كان رقص شرقي أو في الأوبرا أنا بحب الرقص عموما، أنا دايما ببعتلها فيديو لرقاصات لأن هي صاحبتي واتعودت خلاص لأنها عارفة أنا مش جوايا حاجة وحشة، الموضوع بيبقى مضحك وبنهزر وهي عندها ثقة في النفس، لما شفت الرقاصة في عيد ميلادي بوست دماغها وقلت لها شكرا".

محمود شاهين

وأكمل محمود شاهين: "هي اللي جابت الرقاصة في الفرح، أنا كان نفسي أجيب رقاصة وكنت عايز حد من أصحابنا ومجاتش، فكنت بحكيلها، هي حكت لأصحابها وهما ساعدوها".

وكان محمود شاهين نجل شقيق الفنانة إلهام شاهين احتفل بزفافه مساء الخميس، 5 سبتمبر.

محمود شاهين وإلهام شاهين

وحرص على الحضور الفنانة إلهام شاهين عمة العريس والنجم محمد حماقى والمنتج حمدى بدر، وأمير شاهين عمه، والمخرجة منال الصيفي، والفنانة إلهام صفي الدين ابنة عمته، كما حضر كريم محمود عبد العزيز، نسرين إمام، هاجر الشرنوبي، محمد عز، سارة عبد الرحمن، وئام مجدي، المخرج حسام الحسيني، السيناريست تامر حبيب ونجلاء بدر ومحمد الشرنوبي وناهد السباعي وغيرهم من النجوم.