أيمن بهجت قمر يوجه رسالة لطليقته: هتفضل طول عمرها على راسي من فوق

نهال ناصر | فى حياة المشاهير

أيمن بهجت قمر وطليقته

الجمعة , 27 سبتمبر 2024 - 13:09 | اخر تحديث: الجمعة , 27 سبتمبر 2024 - 13:09

وجه الشاعر والمؤلف أيمن بهجت قمر رسالة إلى طليقته وأم أولاده إنجي عبد الحافظ، أكد فيها أنه سيظل يحترمها ويقدر وقوفها إلى جانبه طوال حياته.

وقال أيمن بهجت قمر خلال لقائه في برنامج "أسرار النجوم" مع إنجي علي عبر إذاعة "نجوم FM": "ممكن أكون انفصلت عن أم أولادي الفترة اللي فاتت بس دي فرصة إني أقول لكل الناس وأقولها إن حتى لما بيبقى في انفصال بين اتنين بس هي هتفضل طول عمرها على راسي من فوق لأنها أم أولادي ومهما كان أن ممكن يكون في زعل لكن في الآخر أنا أعرفها من وهي عندها 16 سنة فعمري في حياتي ما بكون قاصد إني أضايقها أو أكون مقصر في حاجة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أيمن بهجت قمر وإنجي عبد الحافظ

وتابع أيمن بهجت قمر: "هي كانت زوجتي ودلوقتي بتتحط في مكانة الأخت والقريبة وعلى راسي من فوق وبقولها أنا آسف لو في يوم من الأيام في حاجة بتضايقك مني من غير ما أقصد وأتمنى أن الشعور اللي جوايا يكون وصلها مش معنى إن اتنين مش هينفع يرجعوا لبعض أبدا تاني بس لازم أقدر اللي هي عملته في رحلتي وبقولها متشكر وأنا آسف لو ضايقتك في أي حاجة".

نرشح لك: ريهام سعيد تكشف عن خلافها مع عبير صبري: مش عايزة أكلمها تاني

أيمن بهجت قمر وإنجي عبد الحافظ

View this post on Instagram

A post shared by Inji Ali (@injialiofficial)

وكان أيمن بهجت قمر انفصل عن زوجته في ديسمبر الماضي.

على جانب آخر، أعلن أيمن بهجت قمر عن بدء تصوير أحدث أعماله فيلم "الهنا اللي أنا فيه" من بطولة كريم محمود عبد العزيز ودينا الشربيني وياسمين رئيس وحاتم صلاح ومريم الجندي، تأليف أيمن بهجت قمر وإخراج خالد مرعي وإنتاج : زيد الكردي - أحمد بدوي - جابي خوري.