ريهام سعيد تكشف عن خلافها مع عبير صبري: مش عايزة أكلمها تاني

نهال ناصر | فى حياة المشاهير

ريهام سعيد وعبير صبري

الجمعة , 27 سبتمبر 2024 - 10:16 | اخر تحديث: الجمعة , 27 سبتمبر 2024 - 10:16

هاجمت الإعلامية ريهام سعيد الفنانة عبير صبري بعد موقف حدث بينهما دفعها لقول إنها لا تريد التحدث معها مرة أخرى.

وحكت ريهام سعيد في لقاء مع et بالعربي عن نجمات وقفن معها في أزمتها الأخيرة بعد اتهامها لطبيب تجميل بتشويه وجهها وظهورها بشكل مختلف، وما فعلته معها عبير صبري.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت ريهام سعيد: "أكتر حاجة أنا كسبتها في الأزمة دي هي الفنانين اللي مكنش ليا علاقة بيهم وبقوا أصحابي جدا دلوقتي، وكلهم عندهم خلق غير طبيعي يعني أنا عشان أجيب نمرة حد معرفوش وأكلمه وأسانده وأفضل أكلمه مرة واتنين وتلاتة، وأديله نمرة دكتور دي ناس كويسة أوي، يعني ريهام عبد الغفور كنت أعرفها من قبل لكن مش قريبين زي دلوقتي ست محترمة أنا مسمياها ملاك، وريهام حجاج، ورضوى الشربيني حاولت تشوفلي دكتور يمكن لما آخر مرة ودتني لدكتور وعرفت أن مفيش حل بطلت تتواصل أوي".

نرشح لك: الصور الأولى من حفل زفاف هاجر الشرنوبي على المنتج أحمد الجابري

ريهام سعيد

وتابعت ريهام سعيد: " لما بقابل ناس كتير بيشجعوني ويقولولي إنتي قمر، مفيش غير واحدة بس جرحتني جرح فظيع مش المفروض أقول اسمها إحنا أصحاب واشتغلنا مع بعض، هي قابلتني وقالتلي كلمة ضايقتني أوي، قالتلي ما إنتي كويسة أهو، كنت رايحة حفلة على البحر وشفتها أنا الوحيدة اللي حاطة مكياج، قالتلي ما إنتي كويسة أهو إنتي دراما كوين بتحبي تعملي دراما، أنا سبت الحفلة وركبت عربيتي وفضلت أعيط".

ريهام سعيد وعبير صبري ونجلاء بدر

وأكملت ريهام سعيد: "كنت عايزة أقولها لو تعرفي كم الألم اللي فيا وإنتي بتحافظي على نفسك ووشك أوي، هي عبير صبري بقول اسمها عشان أنا مش عايزة أكلمها تاني، مش من واجب حد أنه يقف جنبي لأن مفيش حاجة يقدروا يعملوهالي لكن إن تقل خيرا أو لتصمت لو مش قادرة أدعمك متقوليش إنتي دراما كوين، أنا عملت دراما قبل كده في إيه أنا واحدة اتسجنت ومطلعتش بعدها أعيطلكم وقفت سنة ورجعت أقوى من الأول، عندي كم من حاجات اتظلمت فيها أوي وعمري ما فتحت الموضوع فين أنا دراما كوين؟".

عبير صبري

على جانب آخر، قدمت ريهام سعيد اعتذارها لجمهورها لاستضافتها عددا من مشاهير موقع Tik Tok، مشيرة إلى أن الخطأ يقع على الإعداد.

كتبت ريهام سعيد عبر حسابها بموقع Facebook: "أنا مكنتش بدخل على التيك توك ولا أعرف اللي بيحصل فيه أنا بعتذر لجمهوري إني استضفت ولو حتي واحد منهم عتابي للإعداد هيكون شديد، هي إيه الجولات والفيديوهات اللي على التيك توك اللي كلها ألفاظ قذرة وإيحاءت أنتوا مش خايفين تتحبسوا؟ ليه كده؟ ليه بتخلوا شكلنا كده؟ وأنتوا عشرة وإحنا 130 مليون إحنا شعب عظيم.. عيب.. عيب أوي كمان".

اقرأ أيضا:

إيمان الحصرى تكشف تطورات حالتها الصحية قبل خضوعها المحتمل للجراحة الـ 11

عزيز الشافعي يكشف كواليس تعاونه الأخير مع شيرين: توقعت الفشل

ليلى علوي تتألق بعدسة المصور خالد فضة في أحدث جلسة تصوير

ظهرت بفستان زفاف ... ملك قورة تحتفل بحنتها الليلة

لا يفوتك: محمد هشام عبية: مين قال إن "صلة رحم" كان فيه مشهد خارج! .. هل شوه "رسالة الإمام" تاريخ مصر؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5