أحمد فتحي: رامز جلال بيخاف عليا ومش بيجبني في مقالب ممكن أموت فيها

نهال ناصر | فى سينما وتلفزيون

أحمد فتحي ورامز جلال

الجمعة , 20 سبتمبر 2024 - 12:09 | اخر تحديث: الجمعة , 20 سبتمبر 2024 - 12:09

تحدث الفنان أحمد فتحي عن الفنان رامز جلال واستمراره في تقديم برامج المقالب، موضحا أن رامز جلال لا يستضيفه في البرنامج إذا كان المقلب به خطورة على حياته.

وقال أحمد فتحي خلال لقائه في برنامج "الراديو بيضحك" مع فاطمة مصطفى عبر إذاعة "الراديو 9090": "لا اعتقد أن رامز جلال يعمل مسلسل لرمضان هو بيلاقي نفسه في البرامج والأجيال اللي طلعت زي ما إحنا اتربينا على حاجات، بيستنوه ورغم كل الهجوم هو أعلى نسبة مشاهدة، الناس دايما عارفين الفنان كفنان بيبقوا عايزين يشوفوه أحمد فتحي الإنسان في لحظات الخوف والضعف".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد فتحي ورامز جلال

وتابع أحمد فتحي: "طلعت 3 أو 4 مرات مع رامز ومش ناسي ليه حاجة مش بتظهر لما بيكون المقلب خطير مش بيجبني ودي حاجة هو مقالهاليش أنا لاحظتها، في مقالب كنت روحت فيها لو شاركت".

نرشح لك: بسمة بوسيل وهنا الزاهد وإمام عاشور ومصطفى فتحي ضمن الحضور … النجوم في افتتاح مطعم تامر حسني الجديد

أحمد فتحي

وأكمل أحمد فتحي: "السنة اللي فاتت اللي بيقعوا دي وكان في مرة بيقعوا من ارتفاع عالي دي أروح فيها هو عارف قدراتي، كان في مرة طلعولي الفيزا أنا مش عارف البرنامج، وفجأة الناس سكتت، كان وقتها البرنامج بيتصور في المغرب بتاع الحريقة، دي كان ممكن أموت فيها لو روحت الناس سكتت فجأة بعد ما طلعوا الفيزا بعدها فهمت أن أه البرنامج كان في المغرب أكيد هو مرضيش خوفا عليا".

أحمد فتحي

يذكر أن أحمد فتحي عرض له في شهر رمضان الماضي مسلسل "جودر: ألف ليلة وليلة"، بطولة ياسر جلال، نور اللبنانية، ياسمين رئيس، أحمد فتحى، هنادى مهنا، وفاء عامر، عبد العزيز مخيون، علي صبحي، وليد فواز، ياسر الطوبجي، أحمد كشك، عايدة رياض، جيهان الشماشرجي، محمود البزاوى، مجدي فكري، وتأليف أنور عبد المغيث، وإخراج إسلام خيرى وإنتاج شركتى ميديا هب سعدى – جوهر، وأروما للمنتج تامر مرتضى.