أنسي أبو سيف يكشف سبب خلافه مع يوسف شاهين

نهال ناصر | فى حياة المشاهير

أنسي أبو سيف ويوسف شاهين

الأحد , 8 سبتمبر 2024 - 17:54 | اخر تحديث: الأحد , 8 سبتمبر 2024 - 17:54

حكى مهندس الديكور أنسي أبو سيف عن سبب خلافه مع المخرج يوسف شاهين خلال تعاونه معه في فيلم "الوداع يا بونابرت" عام 1985.

وقال أنسي أبو سيف خلال لقائه في بودكاست "مع عباس" من تقديم عباس أبو الحسن: "حصل اختلاف في وجهات النظر بيني وبين يوسف شاهين، ودي المشكلة اللي أدت إلى أني أقول جملة معملتش حاجة مع يوسف شاهين غير إني اختلفت معاه".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أنسي أبو سيف: "يوسف شاهين الفيلم كله جواه وبالتالي من حقه وهو محق جدا أنه ميخليش حد يقرأ السيناريو، كان شرط العمل مع يوسف شاهين أن السيناريو محدش يقراه، يوسف شاهين على السكريبت بتاعه بيبقى عامل ملاحظات هو عايز إيه من مهندس الديكور عشان حركة الكاميرا وبالتالي محدش يقدر يقرأ ده".

نرشح لك: تامر حسني يوجه رسالة لناكري الجميل في رده على محمد سامي

أنسي أبو سيف

وأكمل أنسي أبو سيف: "يمكن دا مكنش يناسبني لأسباب تانية، أنا لما بقرأ السيناريو وبتخيل المكان غير لما المخرج بيقرر المكان يكون بالشكل ده، أنا صممت إني اقرأ السيناريو ودا أخد مجهود، أنا أسلوب عملي أن تديني مساحة أحلم وأفكر يمكن أطلع غلط بس على الأاقل لما تقولي أعمل إيه أكون مقتنع".

فيلم الوداع يا بونابرت

وأضاف أنسي أبو سيف: "بداية في سيناريو "الوداع يا بونابرت" أن الجيش الفرنساوي بيدخل على عيلة في بيتهم اللي نايم واللي قاعد، اتقرالي السيناريو عشان أبقى فاهم، بيت العيلة دا في القاهرة الإسلامية القرن 18 وقتها مكنش في باب بيت بيفتح على ناس قاعدة، كان البيت في خصوصية زي "بيت السحيمي" كده، ودا اللي اتعمل وتم بناؤه ودا نتيجة إني قريت السيناريو، وكان أول خلاف بينا هو عاوز شكل معين وأنا عشان مصداقية المكان عملت شكل تاني، ولما اتعمل ظهر على الشاشة حاجة حقيقية".