إلهام شاهين عن أزمة فيلم "الملحد": هو مفيش ملحدين في الحياة ... دي نماذج موجودة بنلقي الضوء عليها

نهال ناصر | فى حياة المشاهير

إلهام شاهين

السبت , 7 سبتمبر 2024 - 16:48 | اخر تحديث: السبت , 7 سبتمبر 2024 - 16:50

تحدثت الفنانة إلهام شاهين عن فيلم "الملحد" بعد تأجيل عرضه أكثر منه مرة وحديث البعض عن منعه.

وقالت إلهام شاهين خلال لقائها في برنامج "ضيفي مع معتز الدمرداش" عبر قناة الشرق الإخبارية: "عملوا لفيلم "الملحد" دعاية بعد ما قالوا أنه اتوقف عرضه وهيخلوا الناس كلها عايزة تشوفه".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت إلهام شاهين: "إيه المشكلة في اسم الفيلم "الملحد" هو مفيش ملحدين في الحياة؟ دي نماذج موجودة ما المانع إننا نلقي الضوء عليها ونقول إن دول غلط، أنا لما ألقي الضوء على أي حاجة غلط في الحياة بغرض تصحيحها".

نرشح لك: غادة عبد الرازق وعبير صبري وهيدي كرم من بينهم ... نجوم الفن في حفل جوائز دير جيست الـ21

فيلم الملحد

وأكملت إلهام شاهين: "أنا مشفتش الفيلم لكن اعتقد في الآخر لازم الملحد دا هيقتنع إن في إله لهذا الكون وهو اللي بيدير هذا الكون، إنت ممكن تصلح أفكار ناس من خلال العمل".

إلهام شاهين

وأعطت إلهام شاهين مثالا بالأعمال التي تناولت فكرة إدمان المخدرات قائلة: "لما بعمل فيلم عن الإدمان بجيب المدمن بياخد الشمة وبيبقى مبسوط وبجيبه في آخر الفيلم واخد جرعة زيادة ومات، أو بجيبه ومش معاه حق المخدرات وهيتجنن، لما جبته في الأول مبسوط هل دا بيشجع الناس، لأ اللي هتستفيده من الفيلم في الآخر".

إلهام شاهين

وأكملت إلهام شاهين: "أنا مش مع فكرة منع أي حاجة لا كلام في الدين ولا السياسة، في 3 حاجات الدين والسياسة والجنس هما القلق بتوع الرقابة لكن إحنا لو مشفناش أفلام مصرية هنشوف أفلام أمريكية بتتكلم عن الإلحاد والجنس والأديان والسياسات، المنع غلط العيال الصغيرة قاعدين طول النهار على تليفونات صغيرة بيتفرجوا على كل الافلام من كل العالم".

يشار إلى أن آخر أعمال إلهام شاهين مشاركتها في مسلسل "الفريدو" وهو عمل مكون من 10 حلقات عن كتاب "55 مشكلة حب" للدكتور مصطفى محمود، وهو من تأليف عمرو محمود ياسين وورشته، حيث شارك بتأليف وكتابة الحلقات سارة مصباح وإخراج عصام نصار، وبطولة أحمد فهمي وندى موسى وأمير شاهين وعفاف رشاد وغيرهم من النجوم.

اقرأ أيضا:

حمدي الميرغني يحتفل بعيد ميلاد زوجته إسراء عبد الفتاح ... حزام طلقات ورشاش يزين التورتة

#شرطة_الموضة: أسما إبراهيم بإطلالة يتخطى سعرها نصف مليون جنيه في أسبوع دبي للموضة

شيرين سايس تكشف كواليس لقائها مع عمرو دياب: كنت طالعة من البحر وغنيت له "برج الحوت"

دينا تكشف سبب رشاقتها وسر شبابها: عمري ما نمت بمكياج ومباكلش غير مرة في اليوم

سمر طارق لـ(في الفن): الراب والمهرجانات ليهم وقتهم وبذاكر القديم وبحب أم كلثوم ومحمد منير ,فيروز

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5