مروة صبري تهاجم إيناس الدغيدي بسبب تصريحاتها عن المساكنة: إذا بليتم فاستتروا

نهال ناصر | فى حياة المشاهير

مروة صبري وإيناس الدغيدي

الثلاثاء , 3 سبتمبر 2024 - 12:55 | اخر تحديث: الثلاثاء , 3 سبتمبر 2024 - 12:55

هاجمت الإعلامية مروة صبري المخرجة إيناس الدغيدي بسبب تصريحتها الأخيرة عن المساكنة وأنها خاضت هذه التجربة قبل زواجها.

وقالت مروة صبري في برنامجها "قعدة ستات": "طالعة بتقولي أنا عشت المساكنة قدام الناس كلها، إذا بليتم فاستتروا، ربنا سترني مطلعش أنا أفضح نفسي وأقول كده قدام الناس كلها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

مروة صبري تهاجم إيناس الدغيدي

وتابعت مروة صبري: "صدمة كبيرة لكل الناس بعد ما سمعت التصريحات دي ويمكن الناس واخدة على أن المخرجة إيناس الدغيدي جريئة وصريحة وحرة في تفكيرها ولكن مش للدرجة دي في حاجات مينفعش، في حاجات ممكن أسيب مساحة لأني أكون معاكي أو ضدك وفي وقت وكلام وتصريحات وإجابات تودي في داهية".

نرشح لك: سعد الدين الهلالي يدافع عن إلهام شاهين: فنانة تحترم عقلها

إيناس الدغيدي

وأكملت مروة صبري: "حضرتك مش محتاجة تريند خالص أنا عارفة أنك مبتحبيش تطلعي في البرامج وعارفه انك بترفضي إذا إنتي مش التارجت بتاعك تقولي حاجة تعملي تريند زي معظم الفنانين والفنانات اللي بيحبوا يطلعوا يعملوا بلبلة حواليهم عشان الناس والمواقع تجيب سيرتهم إنتي مش كده، وحتى لو كانت دي قناعاتك وإنتي شايفة أن دا تفكيرك اللي هو شاذ عن المجتمع والحياة لا يصح أنه يتقال مفيهوش اه أو لأ مرفوض جملة وتفصيلا،عيشتي المساكنة إنتي حرة داري على نفسك".

مروة صبري

View this post on Instagram

A post shared by Aadet Settat - قعدة ستات (@aadetsettat)

وكانت المخرجة إيناس الدغيدي قالت خلال لقائها في برنامج "القرار" من تقديم نادية الزعبي عبر قناة "الغد": "عشت المساكنة مع جوزي قبل ما أتجوزه قعدت 9 سنين بحبه، مش فاكرة عيشت المساكنة كام سنة لأن الموضوع من زمان" وأكدت إيناس الدغيدي أنها لم تخض تجربة الزواج العرفي من قبل.

اقرأ أيضا:

بعد مرور 34 عامًا .. ريتشارد جير ينتقد فيلم Pretty Woman: كتابة سيئة ولا يوجد كيمياء بيني وبين جوليا

أسماء أبو اليزيد تصارح أحمد حاتم بارتكابها جريمة في برومو "عاشق" (فيديو)

شيرين عبد الوهاب تستعيد ذكرياتها مع رامي صبري في معهد الموسيقى العربية ويرد عليها: أنا كده طلقت يا فنانة

#شرطة_الموضة: أسما إبراهيم بفستان قصير سعره 16 ألف جنيه … أجرت تعديلا بسيطا عليه

سمر طارق لـ(في الفن): الراب والمهرجانات ليهم وقتهم وبذاكر القديم وبحب أم كلثوم ومحمد منير ,فيروز

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5