زوجة مدير أعمال فاندام تتهم والد حسام حبيب بالتعدي عليها!

مي جودة | فى حياة المشاهير

والد حسام حبيب وشيرين

الخميس , 22 أغسطس 2024 - 23:38 | اخر تحديث: الجمعة , 23 أغسطس 2024 - 01:01

اتهمت الإعلامية نور التلباني، زوجة وليد التلباني مدير أعمال النجم العالمي فاندام، السيد حسين حبيب، والد الفنان حسام حبيب بالتعدي عليها بالسب والقذف.

وروت نور التلباني في مقطع صوتي تفاصيل الأزمة قائلة: "بعد نشر عبر حسابي خبر عن أزمة شيرين عبد الوهاب وحسام حبيب، ودخل على صوري في حسابي وسبني (يا معفنة) وفي صور أخرى (يا مأتبة)، استغربت من التعليقات، وبعت له في رسالة خاصة، ممكن أفهم إيه دا؟ رد عليّ (خليكي محترمة زي الإعلاميين المحترمين، وماتجيبيش سيرة حسام وشيرين".

وتابعت: استغربت من وصف (محترمة) وارسلت له "احتراما لسن حضرتك مش هرد عليك وهكتفي بالبلوك"، ورد عليّ بلفظ بذيء، وتوجهت لمباحث الإنترنت وعملت له محضر.

وتباشر الأجهزة الأمنية في مباحث الإنترنت بالتحقيق في البلاغ المقدم ضد حسين حبيب، الذي يحمل رقم 23 أحوال 2024.

يشار إلى أنه منذ أيام تصاهدت أزمة شيرين عبد الوهاب مع طليقها المطرب حسام حبيب، إذ اتهمته بتهديدها وإجبارها على العودة له وسرقة أموال من خزنة منزلها.

وأضافت شيرين عبد الوهاب: شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا.

وتابعت: أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي.

وفي تصريحات لـ ET بالعربي، رد حسام حبيب: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".