أسما شريف منير تكشف سبب حذف صورها على إنستجرام: محتاجة أحس إني حرة من الفلاتر (صور)

محمد سليم | فى حياة المشاهير

أسما شريف منير

الخميس , 22 أغسطس 2024 - 20:08 | اخر تحديث: الخميس , 22 أغسطس 2024 - 20:08

كشفت البلوجر أسما شريف منير سبب قيامها بحذف جميع صورها على حسابها الرسمي في موقع التواصل الاجتماعي إنستجرام.

ونشرت أسما شريف منير مجموعة جديدة من الصور هي الوحيدة على حسابها حاليا، وكتبت في التعليق: "شلتي كل صورك ليه؟ عشان عايزه اشارك معاكم حاجة تفرق، تفرق مع شخص واحد بس! طب و هو ايه يعني اللي هيفرق في الصور دي؟"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أسما شريف منير بعد حذف صورها

وأضافت: "اول حاجة عايزه اوصلها من الصور دي، انها من غير اي اديت او فلتر، و دي حاجة انا في صراع دايم فيها، عشان بقيت بحب شكلي ب فلتر اكتر و ده شيء محزن، فا محتاجة احس اني حره من الفلاتر و الاديت عشان اشجع بنات تكون حسه احسن".

أسما شريف منير بعد حذف صورها

وتابعت: "تاني حاجة في صور من شغلي و مشروعي اللي تعبانه فيه جداً و محتاجة اشاركوا معاكم عشان اشجع الناس انها تاخد خطوه في انها تبدأ من الصفر عادي مهما كانت مكانتها الاجتماعية. تالت حاجة مشروعي الاصغر هو الفخار، و ده انا عملته عشان اشجع المنتجات اليدويه الطبيعيه الصحية وعشان انا دلوقتي بختار اغلب اختيارتي في الحياة اي حاجة راجعة للطبيعة".

طالع أيضا - محمد ثروت مع إنريكي أرسي للإعلان عن فيلمهما الجديد "موسم حصاد الكاكا"

أسما شريف منير بعد حذف صورها

وأكملت: "رابع حاجة، لما تخنت كنت مكسوفة بس تقبلت جسمي و حبيته بس ده مش معناه اني مش عايزه اوصل لأفضل شكل صحي ل جسمي، فا شغاله عليه و عندي خطة للتغير، بس لحد ما اوصل للنتيجة الصح انا حابه نفسي و انوثتي و شايفة نفسي تمام اوي. خامس حاجة، اني بحلم احلام ناويه بكل قوتي احققها فا بقيت بحط نفسي في الاماكن اللي شبه حلمي، بجذب الناس اللي بتفيدني، بحلم احلام كبيرة بس مش و انا قاعده علي الكنبة، و انا بسعى في شغلي و مصدقة اني هوصل ل اكتر ما بتمني و ده بقولو عشان اشجعكم انكم تتحركوا و متأجلوش اللي نفسكم فيه مهما كانت الحاجة اللي موقفاكم".

أسما شريف منير بعد حذف صورها

واختتمت أسما شريف منير رسالتها لمتابعيها قائلة: "سادس حاجة، التأمل في خلق الله، غير حياتي و خلاني اكون شخص اهدي و ممتن اكتر، و حساس اكتر. انا حقيقي نفسي افيدكم و اساعد اللي بيتابعوني يكونوا احسن ب اي طريقة ممكنه، و انا بحضر حاجات جديدة اتمنى انها تكون مصدر إلهام ليكم، وحشتوني اوي".