ليلى طاهر: مبقتش أتأثر بشائعات وفاتي ومينفعش أرجع في قرار اعتزالي.. ومفضلش أن سيرتي الذاتية تتجسد في عمل فني

أحمد حتحوت | فى حياة المشاهير

ليلى طاهر

الأربعاء , 21 أغسطس 2024 - 16:08 | اخر تحديث: الأربعاء , 21 أغسطس 2024 - 16:08

طمأنت الفنانة ليلى طاهر، جمورها على حالتها الصحية في مداخلتها الهاتفية مع الإعلامية يارا أحمد، في برنامجها نجمك مع يارا، المذاع عبر شاشة قناة “هي”، وذلك بعد الشائعات التي لاحقتها خلال الفترة الماضية، معربة عن استيائها بسبب تلك الشائعات.

وجاءت أبرز تصريحات ليلى طاهر مع يارا أحمد كالآتي:

- أنا كويسة أوي الحمد لله وأموري ماشية.

- الشائعات اللي بتتكتب دي كلها مش صحيحة.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

الشائعات اللي بتتكتب بتزعج اللي حواليا أكتر ما بتزعجني، وبيتسببوا في إزعاج لـ أقربائي مسافرين، وكل اللي حواليا بيتنكدوا بيفتكروا الموضوع بجد وبيدوروا عليا.

- أنا مبزعلش من الشائعات لأن كل حاجة وليها ميعاد، ومبيهمنيش النهاردة ولا بكره، من كتر ما كتبوا أخبار كاذبة مبقاش ليها تأثير عليا ولكن ليها تأثير على الناس.

ليلى طاهر

- الشائعات دي فشل صحفي، لأن لو عندك موضوع كويس تشد بيه القارئ مكنتش لجأت لاستخدام اسم فنان علشان تعمل شائعة كاذبة، وفنانين كتير بيعملوا معاهم كده.

- مينفعش أرجع في قرار اعتزالي لأن المدة طولت، في أولها كان ممكن أفكر أني أفكر أرجع لو اتعرض عليا عمل كويس، ولكن دلوقتي حتى لو جالي ورق كويس، لأن ليلى طاهر دلوقتي مختلفة عن اللي الناس عرفتها.

- كل زملائي اللي موجودين في مصر بنكلم بعض في المناسبات، ولكني مش مختلطة لأني دلوقتي عايشة حياة أسرية أكتر منها فنية، وقاعدة مع أبنائي وأحفادي.

- كل مرة ولها ناسها الحلوين الناجحين، وفي فترة حصل نكسة في الفن بسبب الظروف السياسية، ولكن رجع الفن المصري تاني ينتعش من جديد وبقى في نجوم حلوين وأعمال كويسة.

- إحنا اكنا في زمن كان فيه كُتاب كبار أعمالهم لا تنسى

- أنا بتابع لأني بحب الفن وبحب أعرف الفن المصري وصل لإيه، والفن دلوقتي وصل لصعود دائم.

- مينفعش يتعمل السيرة الذاتية بتاعتي، مينفعش حد يحل محل حد، نكتب عن السيرة الذاتية ككتاب آه، لكن نجيب ممثلة ونقول دي ليلى طاهر وتمثل حياتها لأ مفضلش ده.

ليلى طاهر

- وصيتي مصر كلها، وكلنا نحب مصر ونعمل لمصر ويكون ولائنا لمصر.

- الميزة الوحيدة من شائعات وفاتي أني بحس بحب الناس وفرحتهم لما أنا اللي برد عليهم وأني مازلت على قيد الحياة، ده بيسعدني جدًا وأنا بحب الجمهور المصري اللي أنا طلعت بيه من تاريخي الفني.

- نصيحتي للسيدات أن لا نهمل أولادنا على الإطلاق مهما كنا مشغولين، فالتربية مسؤولية الأم تجاه ابنائها، وبعدين أي عمل آخر.

ليلى طاهر

- أنا مبهمتمش بالتريند خالص.

- أنا متحيزة للفن المصري القديم الأصيل، ولكن بعترف أن الفن المصري في تقدم.

يذكر أن برنامج "نجمك مع يارا" يعرض يوم أربعاء من كل أسبوع في تمام الساعة 10 صباحًا، وإعادة يوم الخميس في الساعة 1 بعد منتصف الليل، والبرنامج من إعداد مروة محمد ورانيا عبد اللطيف، على شاشة قناة هي.

اقرأ أيضا:

آية سماحة ترد على انتقادات قبلاتها لزوجها محمد السباعي في الصور: أنا متجوزة حلال

كريم محمود عبد العزيز يبدأ تصوير "مملكة الحرير" من إخراج بيتر ميمي

ظهور الغرفة "207" و معنى "حاجة 13 خالص" … 4 ملاحظات على الحلقة الأولى والثانية من "عمر أفندي"

مي حلمي: محمد صلاح سوسة ولازم يعمل حركة تقلب السوشيال ميديا

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5