محمد علي رزق يحكي عن أول لقاء مع غادة عبد الرازق في كواليس "صيد العقارب": عيطت على كتفي

نهال ناصر | فى سينما وتلفزيون

محمد علي رزق وغادة عبد الرازق

الجمعة , 9 أغسطس 2024 - 11:03 | اخر تحديث: الجمعة , 9 أغسطس 2024 - 11:03

تحدث الفنان محمد علي رزق عن كواليس العمل مع الفنانة غادة عبد الرازق في مسلسل "صيد العقارب" وحكى عن أول لقاء جمعهما وسبب بكائها.

وقال محمد علي رزق خلال لقائه في برنامج "الراديو بيضحك" من تقديم فاطمة مصطفى عبر إذاعة "الراديو 9090" إن كل ما يقال عن غادة عبد الرازق وتدخلاتها وصعوبة التعامل معها غير صحيح موضحا: "غادة ست جميلة جدا، أنا كنت داخل أول يوم تصوير وأنا سامع كمية إشاعات إني هقابل ريتشارد قلب الأسد، أول مشهد بيني وبينها تاني يوم تصوير ليها، مشهد أنا بعيط أن مراتي وابني مشيوا وسابوني".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

محمد علي رزق وغادة عبد الرازق من كواليس مسلسل صيد العقارب

وتابع محمد علي رزق: "شخصية مصطفى كانت بتاخد مني تركيز كبير قبل التصوير، كنت قاعد ومركز جدا في مود المشهد أستاذة غادة دخلت ودا كان أول لقاء قعدت جنبي وسألتني إن كنت مبسوط في التصوير عشان أول يوم تصوير كان عندي مشاهد مهمة، وقلت لها إني عملت شغل حلو بشهادة الناس لكن أنا مش بحب اتفرج على نفسي".

نرشح لك: هند عاكف تدافع عن فستانها في افتتاح "القومي للمسرح": عليه رسومات سريالية ومقتنعة إني مش غلط

محمد علي رزق وغادة عبد الرازق من مسلسل صيد العقارب

وأكمل محمد علي رزق: "لقتني سرحان في المشهد وعمال أسبح وبدأت دموعي تنزل، راحت هي نايمة على كتفي وكل دا قبل التصوير ولقيتها بتعيط على كتفي، كانت بتساعدني عشان أدخل في المود، لدرجة أن حد على صوته طلبت منه يوطي صوته عشان أعرف أركز، وبعد ما خلصنا رحت ليها وشكرتها وكنت مبسوط بالشغل معاها".

محمد علي رزق وشخصية "مصطفى" من مسلسل صيد العقارب

يذكر أن مسلسل "صيد العقارب" بطولة غادة عبد الرازق، رياض الخولي، سيمون، محمد علاء، أحمد ماهر، مجدى بدر، سامية عاطف، ميار الغيطي، عماد صفوت، أحمد ماجد، أحمد جمال سعيد، منال سلامة والمسلسل من تأليف باهر دويدار، وإخراج أحمد حسن، وإنتاج شركة "فينومينا" للإنتاج الفني.

اقرأ أيضا:

محمد رمضان يثير الجدل من جديد: لو خيرتني بين زمان و دلوقتي هختار دلوقتي طبعاً

أيمن بهجت قمر: كتبت اغنيتين في ألبوم والبوليس قبض على أصحابه

محمود العسيلي وملك قورة وعمرو يوسف في مراسي - صور

#شرطة_الموضة: رانيا يوسف بفستان صيفي بـCut Out عند الخصر ... سعره 26 ألف جنيه

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5