مروان حامد يكشف لماذا تراجع عن تصوير مشهد الحادث في "الفيل الأزرق 1" (فيديو)

نهال ناصر | فى سينما وتلفزيون

مروان حامد

الجمعة , 2 أغسطس 2024 - 22:03 | اخر تحديث: الجمعة , 2 أغسطس 2024 - 22:03

تحدث المخرج مروان حامد عن أهمية رأي المونتير للمخرج في أي عمل، وتذكر كواليس تصوير فيلم "الفيل الأزرق" الجزء الأول كاشفا لماذا تراجع عن تصوير مشهد حادث الطبيب "يحيى" وأسرته.

وقال مروان حامد: " الفيلم بيبان في المونتاج، ممكن مشهد تكون متخيله بطريقة في المونتاج بتاخد قرار تاني، كمثال في الفيل الأزرق الجزء الأول مشهد "يحيى راشد" كريم عبد العزيز بيحكي لـ"لبني" نيللي كريم عن الحادثة اللي عملها ومراته وبنته ماتوا، اللي كان مكتوب إننا هنصور الحادثة في أثناء حكي "يحيى" صورنا المشهد الأول، كريم ونيللي واقفين قدام النيل ومفيهوش حاجة مشهد بسيط، لكن كريم ونيللي كانوا بارعين في المشهد".

كريم عبد العزيز في الفيل الأزرق 1

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع مروان حامد: " لما عملنا المونتاج مكناش لسه صورنا مشهد الحادثة، لقيناه مؤثر جدا وإحنا البطل عامل مصيبة، لو كنا حطينا الحادثة كنا ممكن نفقد التعاطف، فأخدنا القرار في المونتاج إننا منصورش الحادثة، أحيانا كتيرة لما تتفرج تشوف الحاجات ورا بعض بتلاقيها بتحكي بشكل آخر، ودور المونتير مهم جدا".

نرشح لك: محمد سلام وأحمد السعدني وأحمد السقا وشيكو ضمن مشيعي جنازة تامر فتحي

مروان حامد في بودكاست حوارات مع عباس

وأكمل مروان حامد: "رأي المونتير مهم جدا لأنه هو أول متفرج اللي هيشوف اللي إحنا عاملينه، ممكن يشوف حاجات إنت متكونش واخد بالك منها سواء سلبية أو إيجابية، هي عين أخرى بتشاهد العمل، وفاهم النص وفاهم المشاعر اللي لازم توصل، ولأنه مش حاضر التصوير بيشوف بعين فريش، إنت ممكن في التصوير تكون حبيت حاجة جدا لكن هو ممكن يشاور على حاجة تكون أهم".

مروان حامد

يذكر أن آخر أفلام مروان حامد كان فيلم "كيرة والجن" تأليف أحمد مراد وإخراح مروان حامد وبطولة كريم عبد العزيز وأحمد عز وهند صبري، سيد رجب، إياد نصار، أحمد مالك، رزان جمّال، علي قاسم، هدى المفتي، محمد عبد العظيم، عارفة عبد الرسول وتامر نبيل، بالإضافة إلى مجموعة من ضيوف الشرف.

اقرأ أيضا:

انهيار ياسمين عبد العزيز في جنازة حسام شوقي ومحمود كمال ... أحمد العوضي يساندها - فيديو

شريهان تحتفل بعيد ميلاد ابنتها "تالية": معجزة ربي

أمينة خليل تكشف سبب عدم تعاونها مع أحمد حلمي في فيلمه الجديد

أحمد فهمي ومي عمر ومحمد سامي وأيتن عامر من بينهم … النجوم في جنازة المنتج تامر فتحي

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5