أحمد هارون يكشف أزماته في فيلم "سهر الليالي": غيروا صوتي بصوت عمرو واكد وكتبوا اسمي غلط على التتر

مي جودة | فى حياة المشاهير

أحمد هارون

الجمعة , 28 يونيو 2024 - 11:07 | اخر تحديث: الجمعة , 28 يونيو 2024 - 11:18

بعد مرور 21 عاما على عرض فيلم "سهر الليالي"، روى الممثل أحمد هارون عن أزماته مع الفيلم، بداية من تغيير صوته واستبداله بصوت عمرو واكد، وأيضا تغيير اسمه.

قال أحمد هارون: "في رغي حصل على فيلم (سهر الليالي) ودا موضوع بقاله 21 سنة، واتفتح الكلام قريب، واتقال ليه جابوا عمرو واكد يعمل صوتي، الناس عارفة كويس ومابتسبش حاجة، الفيلم تم تصويره عام 2001، وعُرض 2003، اتربطت كتير على الدور دا، ودا كان أول ظهور لي، وتشرفت بالعمل مع الشركة المنتجة وهاني خليفة وتامر حبيب"، حسب تصريحاته لبرنامج "كلام الناس" الذي تقدمه ياسمين عز.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد هارون

وأضاف: أنا بدأت الفيلم ومكنش في الحسبان حد يعمل صوتي، عملت المشاهد ووقفنا كتير ورجعنا كملنا المشاهد، ولما خلصت كل المشاهد مرحلة الدوبلاج اتعملت امتى مش عارفين، وخدت كورس تمثيل في 9 شهور، وبعدها حسيت اني مستقبلي ضاع، وطلبت من مدربي أن يعرفني على المخرج خالد يوسف، وكان وقتها انتهى من تصوير فيلم (العاصفة)، وبالفعل اتصل به وأرسل له مشاهدي من التدربيات، وحددنا معاد للقائي بيوسف شاهين، ولفيت نفسي بطل فيلم قصير من إخراج يوسف شاهين، كان من بطولتي أنا ونور الشريف، وكان إنتاج فرنسي وصورناه في لبنان ودبي والقاهرة، كان هذا قبل عرض (سهر الليالي)، وحضرت عرضه الخاص في مهرجان الاسكندرية للأفلام الصغيرة، وكنت وقتها أعمل في شرم الشيخ، كان عندي مكتب للرحلات السفاري منذ عمر 19 عاما.

وتابع أحمد هارون: يوسف شاهين لم يكن معجب باسمي، مكنش عاجبه أحمد هارون، قال لي نخليه أحمد سيف الدين، وحكيت لهاني خليفة، وأنا مكنتش عاجبني، وخالد يوسف قال لي اسكت هنتكلم بعدين.

واستكمل أحمد هارون: وبعد الانتهاء من فيلمي القصير وتصوير (سهر الليالي) لم يكن أمامي أي فرصة للتمثيل فعدت لعملي في شرم الشيخ، وهاني خليفة يعلم ذلك، وفي الدوبلاج لم يتصل بي، أي ممثل لازم يتم تبليغه بموعد الدوبلاج، ومحصلش معايا كدة، معرفش اللي حصل بس لقيت هاني خليفة بيقول لي أنت فين بكرة؟ قولت له في شرم الشيخ، قالي هتعرف تيجي؟ قولت له آجي الساعة كم، قال لي اقفل وهكلمك، وبعدها قال لي خلاص مش لازم، وسألته عن مشاهد التليفون، قال لي لا مش دلوقتي، واتفاجئت أن الفيلم خلص.

واستطر قائلا: "وعندما تسلمت الدعوة لحضور عرض فيلم (سهر الليالي) وجدتها مكتوب عليها أحمد سف الدين، فأنا اتشال صوتي، واتقال اسمي غلط في التتر، اتصلت بهاني خليفة، قال لي (أنا مش خلصان من مشاكل الفنانين)، قطعت الدعوة على باب الشركة ومرحتش العرض الخاص"

وعن أزمة أخرى، قال هارون: "وأخبرني هاني خليفة، إن في جملة بقولها في الفيلم (إني أحسن راكب خيل في مصر)، وفي فنان شايف أنه أحسن راكب خيل في العالم، وماينفعش إني أقول الجملة دي، وكان بيتكلم إنه إيه رأيك تعيد المشاهد الخيل وهو اللي يعملها وأطلع انا بضهري، ونكتب اسمه على التتر بشكر خاص مثلما فعلنا مع عمرو واكد، وهاني خليفة رفض دا، وقال للممثل انه اختارني لأني أركب خيل ويعيد المشاهد ليه.

أحمد هارون

واستكمل: كدة الدور فاضل في إيه؟ لما هطلع مش بصوتي ولا اسمي ولا راكب حصان، إيه اللي فاضل؟ أنا ارغمت على كل حاجة، ودا كان أول فرحتي وأول أعمالي، وكان ظريف إنه كان في توقيت أغنية أصالة التي ظهرت فيها موديل.

فيلم "سهر الليالي" من إنتاج عام 2003، بطولة جماعية لكل من حنان ترك، منى زكي، جيهان فاضل، علا غانم، شريف منير، أحمد حلمي، خالد أبو النجا، وفتحي عبد الوهاب، الفيلم من تأليف تامر حبيب ومن إخراج هاني خليفة.

اقرأ أيضا:

ملك زاهر تحتفل بعيد ميلادها الـ22 بجلسة تصوير أنيقة... فستان بألوان عروسة البحر

مسرحية "ملك والشاطر" لـ أحمد عز ويسرا ترفع شعار "كامل العدد" في أول عرض لها في حضور عزيز الشافعي

عمر كمال: طلبت مساعدة من محمد فؤاد وقالي ربنا يوفقك .. بقيت أعمل زيه

هل دخلت شيرين عبد الوهاب مصحة نفسية؟ حسام حبيب يجيب

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5