عمر كمال: طلبت مساعدة من محمد فؤاد وقالي ربنا يوفقك .. بقيت أعمل زيه

أحمد حتحوت | فى حياة المشاهير

عمر كمال يتحدث عن محمد فؤاد

الخميس , 27 يونيو 2024 - 17:07 | اخر تحديث: الخميس , 27 يونيو 2024 - 17:29

حكى مطرب المهرجانات عمر كمال عن موقف جمعه بالمطرب محمد فؤاد في بداية مشواره الفني، حيث طلب منه مساعدة.

قال عمر كمال في لقاءه مع بودكاست "فايق ورايق" من تقديم إبراهيم فايق أنه سافر من السويس إلى القاهرة فقط على أمل أن يتقابل بمحمد فؤاد، وأضاف: "أنا واحد غايته في الحياة إنه يقابل محمد فؤاد وعايزه يديني أي كتف إن شاء الله أشتغل عنده في البوفيه. هتعلم منه أي حاجة".

عمر كمال

وتابع عمر كمال: "كنت بروح كل يوم عند بيته ومبيجيش، وبعدين لما جه رمضان، لقيت واحد طالع يمسح العربية، عرفت إن محمد فؤاد جاي، فرحتله وقلتله أنا بعشقك وبحب أنفهك وبشتري الشريط الأصلي مش المضروب، وبقعد في أول صف في حفلاتك في دريم بارك.. قالي ربنا يخليك يا عمورة تسلم يا حبيبي".

عمر كمال

وأكمل: "قلتله صوتي حلو ونفسي تسمعني، قالي سمعني، فغنيتله أغنية قلبي خبي لـ عبد الحليم حافظ، قاللي جدع، صوتك حلو وييجي منه، يلا ربنا يوفقك، ونادى على ولد يطلعله العربية.. قلتله يا أستاذ أنا جايلك عشان تديني كتف، قاللي يا عمر روح قدم في برامج أصوات كتير دلوقتي، لكن أنا مش بقدم حد".

محمد فؤاد

وبعد فترة أدرك عمر كمال أن محمد فؤاد كان على حق، إذ قال "هو برضه كان عنده حق. دلوقتي بيحصلي نفس الموقف وبقول نفس الرد وبقولهم إعمل أغنية ونزلها على التيك توك هتنتشر وإعمل محتوى كويس".