بعد تسريب مقاطع صوتية له عن أسرة شيرين عبد الوهاب ... حسام حبيب: هقدم بلاغ ودي جريمة

مي جودة | فى حياة المشاهير

حسام حبيب

الجمعة , 21 يونيو 2024 - 00:03 | اخر تحديث: الجمعة , 21 يونيو 2024 - 00:04

رد الفنان حسام حبيب على المقاطع الصوتية التي انتشرت له في الساعات الأخيرة عبر مواقع التواصل الاجتماعي، وهو يتحدث عن أسرة طليقته شيرين عبد الوهاب، مشيرا إلى أنهم آذوها وهم سبب خلافها مع شركة روتانا.

قال حسام حبيب: "أولا (الفويسات) دي أنا مصرحتش بيها، دي حاجات متسربة ومتاخدة من تليفوني، وأنا هقدم بلاغ ضد اللي عمل كدة، لأن دي مصرحتش بيها لحد، ولا للصحافة، ودي جريمة يعاقب عليها القانون، وأي حد هينشر كلام أنا مصرحتش بيه هتقدم ضده ببلاغ وأنا بحذر أي حد هيستخدم الحاجات دي"، حسب تصريحاته لبرنامج "ET بالعربي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

حسام حبيب وشيرين عبد الوهاب

وتابع: ثانيا، محتوى الموضوع أن أخوها مضى توكيل بأثر رجعي، إنه يتنازل عن مواقع التواصل الخاصة بشيرين عبد الوهاب دون علمها، دا كلام مقدم في بلاغ عن طريق الأستاذ ياسر قنطوش للنائب العام، وتقدروا تتحققوا من الكلام دا، أنا مابقولش كلام مرسل، ولا اتهامات مش موجودة، أنا بقول اتهام شيرين مقدمة بيه ببلاغ عن طريق محاميها.

شيرين عبد الوهاب وحسام حبيب

واستكمل حسام حبيب: اعتقد إن الناس بدل ما تهاجم المفروض تبدأ تفهم مين السبب في إن شيرين مش عارفة تتواصل مع جمهورها ولا عارفة تنزل أغاني جديدة وهما اللي تسببوا في مشاكل كبيرة جدا بينها وبين شركة الإنتاج بتاعتها، والناس المفروض تفهم ليه شيرين متعطلة وليه مش عارفة تنزل حاجة.

View this post on Instagram

A post shared by ET بالعربي (@etbilarabi)

وأضاف حسام حبيب: سبحان الله أنا مقصدش إني أقول أي حاجة لأي حد، ولا أصرح على لسان شيرين بالكلام ده، أنا بتكلم مع حد في محادثة خاصة على تليفوني، وأي حد ياخدها ويسربها ده شيء غير أخلاقي، وأي حد يتداوله هيبقى بيعمل نفس الجريمة، إنما المحتوى سليم مقدم به بلاغات للنائب العام والنيابة العامة، ومش هسمح ولا الجمهور ولا المواقع تتكلم عني.

حسام حبيب وشيرين عبد الوهاب

يذكر أن حسام وشيرين ارتبطا في إبريل 2018، وشهدت الحياة بينهما العديد من الخلافات، وانفصلا ثم عادا مرة ثانية في نوفمبر 2022، ثم انفصلا آخر مرة في ديسمبر 2023، ليتم إعلان ارتباط شيرين مؤخرا برجل آخر.