هشام ماجد: منطتش سور المدرسة وزوغت مرة وحيدة لحضور مباراة الزمالك

مي جودة | فى حياة المشاهير

هشام ماجد

الأحد , 2 يونيو 2024 - 22:06

تحدث النجم هشام ماجد عن ذكرياته أيام المدرسة خلال حضوره ضيفا على بودكاست "فايق ورايق X ابراهيم فايق".

قال هشام ماجد: "كنت في مدرسة (مصر للغات)، وهي في ميدان الرماية وبيتي في المهندسين، وكان دا كابوس بالنسبة لي، وأنا في المدرسة مكنش فيه لا محور بقى، كنت باخد شارع فيصل كله، وباص المدرسة كان يشبه أتوبيس النقل العام الكبير، ويدخل شارع البيت عندي الصغير، وكل يوم خناقة بين سائق الأوتوبيس والجيران، في عز الحر الساعة 4 العصر، وكنت أرجع من المدرسة متأخر وأروح بدري، ومكنش فيه تكييف".

هشام ماجد وابراهيم فايق

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع: مكنش عندنا إن ننط من المدرسة، السور كان عالي أوي، والمدرسة كانت مؤدبة شوية عن كدة، والحاجات دي مافيهاش هزار، اللي هيعمل كدة هيروح ومش هيرجع تاني، وأنا بردو مكنتش شخصية الطالب الشقي اللي بيزوغ وأنط من السور، مرة مثلا زوغت من المدرسة، إني مركبتش الباص الصبح، نزلت من البيت عادي بس مركبتش الاتوبيس، وحضرت ماتش الزمالك.

وأضاف هشام ماجد: ولا زوغت من الدروس للعب، كنت شخص هادي وملتزم ومش بتاع الحاجات دي، مضربش فلوس الدروس في جيبي، ممكن نخلص الدرس ونروح نلعب، الدرس يتلغي فنخرج ومانقولش، وعمري ما عملت مصلحة في فلوس الكتب، فلوس حرام.

ذكر أن هشام ماجد يعرض له منذ عيد الفطر فيلم "فاصل من اللحظات اللذيذة"، وتشاركه البطولة النجمة هنا الزاهد، ومحمد ثروت وبيومى فؤاد والطفل جان رامز ومجموعة من الفنانين.

وعرض لهشام ماجد في شهر رمضان الماضي مسلسل "أشغال شقة" مع أسماء جلال، شيرين، سلوى محمد علي، مصطفى غريب، وآخرين ومن تأليف خالد وشيرين دياب، وإخراج خالد دياب.