عصام صاصا يستأنف نشاطه الفني بعد دهسه شخص على الدائري: ما باليد حيلة وحال الناس اللي شغالين معايا واقف

مي جودة | فى حياة المشاهير

عصام صاصا

الخميس , 30 مايو 2024 - 19:38 | اخر تحديث: الخميس , 30 مايو 2024 - 19:39

أعلن الفنان عصام صاصا عن عودته لاستنئاف نشاطه الفني بعد شهر من حادث دهسه لشاب على الدائري.

نشر عصام صاصا عبر صفحته الرسمية بموقع Facebook صورة سوداء، وعلق عليها كاتبا: "بسم الله الرحمن الرحيم، ربنا وحده يعلم أنا بكتب الكلام دا وأنا عامل إزاى و فيا إيه، أنا بقالي أكتر من شهر قاعد من غير شغل ومعنديش أي حاجة اعملها غير إني قاعد وما باليد حيلة، ومستني قضاء ربنا سبحانه وتعالي، ومحدش هيفهم أو هيحس بالموضوع غيري".

عصام صاصا

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع عصام صاصا: وأنا مطلعتش اتكلمت وعدت وزدت في الموضوع كتير ومحدش شافني حتة بفيديو قولت أي كلمة خالص، لكن أنا عندي شغلي وعندي عقود والتزامات لما اعملها واخلصها يا إما هدخل في قصة تانية أنا مش قدها و شرط جزائي، أنا هنزل شغلي وهشتغل لأني مش بإيدي أي حاجه غير إني أعمل كده.

عصام صاصا

وأضاف عصام صاصا: أنا عندي أمي وعندي أخويا وعندي مراتي وابني وفرقة فيها أكتر من ٣٥ شخص في رقبتي، أنا شاب لسه ببداء حياتي ولسه بقول يارب، مصاريف البيت والأقساط والحاجات دي كلها اللي أنتم متعرفوش عنها حاجة، مين اللي هيدفعها، أنا طالع اتكلم لأن ما باليد حيلة غير إنكم لازم تفهموا إن كل اللي بتسمعوا مش صح، الفلوس والقصور والعربيات كل ده مش صح، وحال الناس اللي شاغلين معايا كل دول حالهم واقف بسببي أنا، كل دول ليهم بيوت وعيال ودنيا تانية خالص.

عصام صاصا

واستكمل: أنا عارف ومتأكد إن ربنا مش هيورينا الشر، ومش هيوريني أي حاجة وحشة، ده ابتلاء من عند ربنا سبحانه وتعالي وأنا راضي بكل حاجة، ومش هقول غير الحمدلله علي كل شيء والحمدلله واللي ربنا كاتبهولي هشوفوه، سواء خير أو شر، محتاج من كل الناس اللي بتحبني تدعيلي من قلبها بجد، أنا عمري ما كنت شخص مؤذي وعمري ما كنت شخص وحش مع حد، ربنا كبير، وحشتوني اوي يا احلي جمهور في الدنيا.

وكان عصام صاصا ألقي القبض عليه الإثنين 6 مايو، بتهمة دهس شخص أعلى دائري المنيب، ثم أخلت النيابة سبيله بكفالة مالية قدرها 30 ألف جنيه.

وكان جمال مفتاح، شقيق الشخص الذي تم اتهام مؤدي المهرجانات عصام صاصا بدهسه أعلى طريق دائري المنيب، تفاصيل عن الحادث، والحالة التي كان عليها جثمان شقيقه.

وقال جمال مفتاح في مداخلة مع الإعلامي سيد علي ببرنامج "حضرة المواطن" المذاع عبر قناة الحدث اليوم: "أخويا كان ماشي لشغله الصبح، وواقف مستني الباص اللي بيركب فيه ويروح الشغل، جه شاب متهور مسح به الأسفلت".

وأضاف: "زنقه في الرصيف في الجنب اليمين، وأنا بغسل أخويا مفيش فيه حتة سليمة، والإعلام بيقول كان بيعدي الدائري، أخويا كان واقف في مكانه مستني الباص".

وقال عصام صاصا في التحقيقات إنه فوجئ بالضحية أمامه وهو يعبر الطريق بسرعة، ولم يهرب بعد أن صدم الشاب، قائلا: "أنا مهربتش ووقفت لحد ما الشرطة جت".