حقيقة اختفاء 5124 علبة فيلم من الشركة القابضة للصناعات الثقافية والسينمائية

نهال ناصر | فى سينما وتلفزيون

سينما

الأحد , 5 مايو 2024 - 11:38 | اخر تحديث: الأحد , 5 مايو 2024 - 11:38

كشف الكاتب الصحفي أيمن الحكيم، عن حقيقة اختفاء 5124 علبة فيلم من الشركة القابضة للصناعات الثقافية والسينمائية.

وتحدث أيمن الحكيم في مداخلة هاتفية ببرنامج "مع خيري" من تقديم خيري رمضان عبر قناة "المحور" عن مقال كتبه كشف فيه عن اختفاء 5124 علبة فيلم من الشركة القابضة للصناعات الثقافية والسينمائية، والتخطيط لبيع أكثر من دور عرض سينمائية عريقة في مصر وقال: "السينمات بتتباع والاستديوهات بتتحرق وهتتباع والأفلام هزلية، في أزمة على مستوى صناعة السينما أنا مش بتهم حد أنا عايز أشوف مين المسئول وإزاي نقدر نخرج من الورطة اللي إحنا فيها".

الكاتب الصحفي أيمن الحكيم

نرشح لك: رقصت على أنغام أغنية "قمرين" لـ عمرو دياب … منة عرفة تحتفل بعيد ميلادها

وتابع أيمن الحكيم: "أتمنى صديقنا الدكتور خالد عبد الجليل يطلع ينفي وهكون سعيد، من حقنا نسأل عن الأصول إزاي ميكونش عندنا أرشيف للسينما؟ ممكن نسأل سؤال مثلا فين فيلم "المومياء" للمخرج شادي عبد السلام اللي اترمم بفلوس كتير؟ مفيش أرشيف عشان نعرف إيه فقدناه.

خيري رمضان

وأكمل أيمن الحكيم: "السينما كانت لفترة طويلة تابعة لشركة مصر للصوت والضوء والأصول اللي فيها رجعت لوزارة الثقافة والشركة القابضة، سينما ديانا معروضة للبيع بـ 11 مليون جنيه، نبيعها ليه؟ كانت بتكسب مين خربها وأوصلها لجدران خاوية على عروشها ويريدون بيعها أرضا؟ ؟ ليه وصلنا لكده".

واختتم أيمن الحكيم حديثه مطالبا الدولة بالتدخل في الإنتاج السينمائي قائلا: "ليه الدولة متدخلش في الإنتاج السينمائي، السينما صناعة مربحة جدا مفيش حد بيخسر، الناس اللي بتهاجم مؤسسة السينما بالعكس مؤسسة السينما أنتجت أهم أفلام سينمائية".