منى زكي: بنتي بتدرس في بريطانيا وبسافر أطبخ لها وأحمد حلمي مش بيفهم في الأكل

نهال ناصر | فى حياة المشاهير

منى زكي

السبت , 23 مارس 2024 - 10:55 | اخر تحديث: السبت , 23 مارس 2024 - 10:55

تحدثت الفنانة مني زكي عن ابنتها الكبرى "لي لي" وكشفت أنها تدرس الآن في الخارج، وتسافر لها دائما لتطبخ لها.

وقالت منى زكي خلال حوارها مع الإعلامي عمرو أديب في برنامج "بيج تايم بودكاست" المذاع عبر قناة MBC: "بنتي في الجامعة، بتدرس هندسة معمارية في جامعة برايتون ببريطانيا، هي فنانة بترسم وأنا فخورة بيها جدا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

لي لي ابنة مني زكي وأحمد حلمي

وتابعت منى زكي: "بفتقدها جدا وبروح لها أطبخ ليها هي وأصحابها أعوضهم شوية أكل".

نرشح لك: منى زكي: أنا وأحمد حلمي بنبوس بعض كل يوم علشان نعلم أولادنا

منى زكي

وردا على سؤال عمرو أديب حول إجادتها للطبخ وما قاله زوجها الفنان أحمد حلمي عنها، قالت مني زكي: "أحمد مش بيفهم في الأكل، يعني لو حطيت ليه لحمة معاها حاجة مش هيفهم إيه الحاجة دي، بياكل اللي بيتحط ليه، ودا مش معاناه إني بطبخ وحش".

وخلال اللقاء، كشفت منى زكي عن أبرز صفات نجليها، ورأيها في تجربة الإنجاب بعد بلوغ سن الأربعين، مؤكدة أنها تجربة صعبة.

وقالت: "التجربة صعبة أوي ومخيفة أكثر، لأنك مش عارف هتعيش لهم أد إيه، وهتوصل معاهم لأي مرحلة، فتبقى نفسك تديهم كل حاجة، إنك تحاول تبسطهم ده مجهود رهيب في الأربعينات ومش سهل، مفيش نفس الطاقة لكن في حنية وفهم أكثر، كانت الأول زعزوعة لوحدها يا حرام، وبعدها جيبت الإثنين ورا بعض".

منى زكي في بودكاست بيج تايم

وردا على سؤال ما هي أبرز صفات نجليها، قالت منى زكي: "عندنا واحد هو عادل ابن الناس الكويسين في فيلم سهر الليالي، سليم اللي عمره 9 سنين، دكتور في نفسه ومهذب أوي وحساس وزوق جدا".

وتابعت: "الثاني بلطجي خالص ومخوف البيت كله، وكفاية نظرته وإنك مش متوقع أبدا رد فعله".

اقرأ أيضا:

أحمد عبد الوهاب لـ"في الفن": الجمهور محتاج يراجع الجزء الأول من "البيت بيتي" قبل مشاهدة الجزء الثاني

محمود كهربا يمازح أسما إبراهيم: أنا لسه دافع الغرامة ... عايز الكرافتة الدهب اللي إنت لابساها

دينا: المجتمع لدية صراع كبير مع الراقصة.. ونبيلة عبيد قدمت جزء من الحقيقة

منافسة قوية على لقب الأب المثالي في دراما النصف الأول من رمضان 2024

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5