"ملحقتش أودعه ومن وقتها بكلم ربنا" … ليلى عز العرب تتحدث لأول مرة عن وفاة زوجها

نهال ناصر | فى حياة المشاهير

ليلى عز العرب

السبت , 16 مارس 2024 - 14:23 | اخر تحديث: السبت , 16 مارس 2024 - 14:23

كشفت الفنانة ليلى عز العرب عن وفاة زوجها قبل فترة بسيطة موضحة أنها لا تحب الحديث عن حياتها الشخصية ولم تعلن الخبر وفضلت الانشغال في عملها.

وقالت ليلى عز العرب في لقاء ببرنامج "كلم ربنا" من تقديم الكاتب الصحفي أحمد الخطيب، عبر إذاعة "الراديو 9090": "أنا كنت خارج مصر ودي كانت مفاجأة مضاعفة، ملحقتش أودع، الصدمة كانت جامدة عليا فقد زوجي مؤلم للغاية والغريبة كان بقاله 5 سنين عمره ما وصلني المطار المرة دي وصلني".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ليلى عز العرب

وتابعت ليلى عز العرب: " مبكلمش غير ربنا، هنستعين بمين عشان يدينا الصبر ويحسسنا بالنعم وأن ممكن تكون المحنة دي نعمة مغلفة، البني آدم بيبقى مش عارف لما يفقد حبيبه وشريك عمره فاجأة، المفاجأة هي العنصر الأساسي، صح هو متعذبش ومتعبش وهو كان بيتمنى دا أنه يتوفى وهو واقف على رجله وكان بيضحك كمان".

نرشح لك: حريق استوديو الأهرام يلتهم موقع تصوير مسلسل "المعلم" بالكامل ومصير الأيام المتبقية من التصوير لم يحدد بعد

ليلى عز العرب تتحدث عن فقدها لزوجها

وأكملت ليلى عز العرب: "رحلة زواج عمرها 26 سنة بس كلهم حلوين، ارتباطنا ببعض كان قصة حب شديدة جدا استمرت على مدى السنين، عشان إحنا كنا حبيبة أوي اتخطبنا في عيد الحب 14 فبراير واتجوزنا في عيد الحب المصري 4 نوفمبر عشان نخلد أسطورة، رحلة حب عشرة ومساندة وطبعا نكد، لكن كانت حياة ثرية للغاية".

وأختتمت ليلى عز العرب كلامها: "لما بكلم ربنا طلبت منه أنه يرحمه ويغفر له ويارب يكون كان راضي عنه وسألته الصبر، ودايما بصبر نفسي وبقول دا جوزي وسننا كبير عادي، بفتكر الأم اللي بتفقد أبنائها دا أصعب، الفقد دايما صعب إحنا كمصريين بندعي لأولادنا يجعل يومي قبل يومك، ولأني إنسانة مدمنة عمل أخدت الخبر وجالي أعمال وانشغلت".