بهاء الدين محمد يحتفل بنجله: ابني بيتجوز

نهال ناصر | فى حياة المشاهير

بهاء الدين محمد ونجله وعروسه

السبت , 2 مارس 2024 - 11:20 | اخر تحديث: السبت , 2 مارس 2024 - 11:20

شارك الشاعر بهاء الدين محمد جمهوره فرحته بزواج ابنه.

ونشر بهاء الدين محمد عبر حسابه على Facebook صورته مع ابنه وعروسه وكتب ليبارك لهما ويتمنى لهما حياة سعيدة.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقال بهاء الدين محمد: "ابني بيتجوز، بجاد بهاء وياسمين الجميلة، ربنا يسعد قلوبكم ويستر حياتكم".

نرشح لك: تعرف على عدد زيجات حلمي بكر.. من أشهر زوجاته عليا التونسية وسهير رمزي

نجل بهاء الدين محمد وعروسه

على جانب آخر، كان بهاء الدين محمد تراجع في أكتوبر الماضي عن قرار الاعتزال.

بهاء الدين محمد يحتفل بزواج ابنه

كتب بهاء الدين محمد عبر حسابه بموقع Facebook: "مهما توقعت أو حسيت أو تخيلت مش ح أعرف أوصف إحساسى بكلام يرد بكل احترام على رد فعلكم وفعل زمايلى الفنانين اللى رافضين قرار اعتزالي والتركيز فقط على تأملات فى نِعم الله، ورد الفعل اللى رافض القرار خلانى أسكت وأفهم وأعرف وأشوف بصورة واضحة مدى الحب والتقدير اللي وصلني من كل مكان وعرفت من خلاله إن ليا مكان في قلوب من حقهم الرفض".

وتابع: ورد الفعل اللى رافض الإعتزال خلانى أتجاوز اللحظة اللى خليتنى أفكر في القرار، كانت لحظة سخيفة اتجمعت فيها أحداث كتيرة مش حلوة ونفوس وقلوب كلها حقد وسواد وغباء في الحياة الفنية والشخصية، وكم كبير من ضعف وطمع ناس مش ناس !!! وأنا مهما قابلت وكنت قد أي هجوم قذر او بالمعنى الأوضح (وساخة ناس مريضة وكلها غل ونقص) بس حسيت إنى محتاج هدوء، وحسيت في لحظة إني محتاج أعيش لنفسي ومع نفسي بعيد عن أي ظروف تجبرني على الاحتكاك أو معاملة الناس المرفوضه دين وحياة وأخلاق!!! وأنا مش سهل أوصف ناس بالشكل ده".

بهاء الدين محمد

وأضاف: كانت لحظة تقيلة على القلب ولكن اكتفيت بالتخلص نهائى من الأصناف دي اللى بتقصد تتسبب في أى ضرر وابتزاز بكل شر وطمع واستنزاف للإنسانية اللي ربنا خلقني بيها حتى لو كنت بأعاملهم بكل خير وماخدوش بالهم إن الطيبة اللي جوايا طيبة من قوتي ورحمتي، وخاصة لما ألاقي اللى بيتعامل معايا ضعيف وناقص، ولكن لابد من مواجهتهم بكل ردع ولازم يتحطلهم حدود لأني مازلت بأواجه بقايا الناس دي ولكن إن شاء الله ح أكسب في النهاية لأن اللي يخسرني خسران ويستاهل مصيره اللى اختاره.

واختتم كاتبا: لذلك قررت شطب واستئصال كل حد لا يليق ومرفوض، واحتفظت فقط بالناس اللي قلوبهم ونيتهم سليمة في الفن والحياة، وشكرا على هذا الحب والاحترام اللى ح أفضل قده وأرد عليه بكل فن، وبشكر كل قلب كتب لي أو بعت لي أو كلمني يطمن علي وإعتبرته شاركني ووقف معايا بكل حب في التجربة دي، ومهم جدا أقول أنا مش بتاع ترندات ولا ظهور إعلامي، بالعكس من سنين واخد قرار أعيش في حالي بعيدا عن الأضواء وأسيب أعمالي فقط في دايرة الضوء ويكفيني إن كلماتي تعيش وتفضل ناجحة وفي قلوبكم، شكرا من قلبي يا أغلى الناس.

يذكر أن بهاء الدين محمد شاعر مصري من مواليد 2 نوفمبر 1961 بحي مصر القديمة، تخرج في كلية الفنون الجميلة قسم جرافيك، تعاون الشاعر بهاء الدين محمد مع كبار المطربين والمطربات المصريين والعرب من أبرزهم: عمرو دياب وسميرة سعيد وعمرو دياب وأنغام وايهاب توفيق ومحمد فؤاد ومحمد منير وشيرين وتامر حسني.