ملحن أغنية "كدابة" لـ حسام حبيب يرد على اتهامات اقتباسها: مستحيل يكون توارد أفكار .. انا مسروق بالمللي و بالهارموني

مي جودة | فى موسيقى وحفلات

حسام حبيب

السبت , 17 فبراير 2024 - 21:59 | اخر تحديث: الأحد , 18 فبراير 2024 - 00:18

رد الملحن والموزع إسلام رفعت على اتهامات المنتج والموزع محمد شفيق حول اقتباس الأول مذهب أغنية "كذابة"، من أغنية قدمها مؤخرا مطرب صاعد يدعى محمود عز من إنتاج شفيق.

نشر إسلام رفعت فيديوهات يثبت بها أنه هو صاحب اللحن الأصلي لأغنية "كدابة" التي قدمها حسام حبيب مؤخرا، مشيرا إلى أنه تم سرقة موسيقاه، وكتب عبر حسابه بموقع Facebook: "انا مكنتش هرد .. بس مضطر ارد لان اللي بيحصل دة قلة ادب و تطاول، لسه جايلي تليفون دلوقت من صديق ليا بيقول اني في حد كاتب بوست اني واخد لحن اغنية حسام حبيب من اغنية لمغني انا اعرفه معرفة شخصية و اشتغلت معاه بالفعل و علاقتي بيه أنه مغني، وأنا ملحن وموزع يعني واضح مين اللي بيسمع من التاني".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع: أولا مستحيل مستحيل مستحيل انا اللي بقول انه يكون توارد افكار او خواطر او نغمات، أنا مسروق بالمللي وبالهارموني حتى، هو برافو عليه محاولة حلوة منه انه ينط علي بروباجندا حسام حبيب و يحاول نجيب سيرتة و يمكن تصيب معاه .. بس انا هخليها تصيب معاه انه يتشهر بأنه غير امين و معندوش ضمير نهائي.

اتهامات لحسام حبيب باقتباس مذهب أحدث أغانيه "كدابة" من أغنية لمطرب صاعد

وأضاف: كل الناس عارفيني كويس وعارفين شخصيتي اني عمري ما اعمل حاجه "بالخسة دي" او بالسذاجة دي!! اني اخد حاجه إبداعية في اكتر حاجه بحبها و هي الموسيقي من حد او اقتبس جملة من هنا أو من هنا والحمدلله أعمالي كلها بتتكلم عني، الأغنية دي الشاعر عمرو المصري بعتلي كلامها من شهر مايو ٢٠٢٣ اللي فات تقريبا و انا لحنت الكلام وعملت شكل ليها وبعتناها لاكتر من مطرب من ضمنهم حسام و بالفعل كانت من نصيبة و الأغنية جاهزة من فترة كبيرة جدا و لكن حسام اللي كان بيأخر.. و مرفق في البوست فيديو انا مصورة بأيدي من الكمبيوتر بتاعي متوثق فية تاريخ الأغنية و صوتي في الديمو.

وتابع: الموزع شفيق كاتب ان اغنيتهم نازلة يوم ١٨/١، وحسام حبيب منزل خبر اغنية #كدابة من يوم ٨/١ تقريبا ف اللي هو ازاي يعني!!! وأي حد يقدر يعمل سيرش علي جوجل ويتأكد من صحة كلامي.

واختتم كاتبا: آخر حاجه عايز اقولها اني معايا كل ما يثبت ان اللحن بتاعي من مستندات واني هتخذ كل الإجراءات القانونية مع أي حد جاب سيرتي او اتكلم عليا بشكل مسئ و حاول ينط و عايز يتشهر.