جنات: أنا من أوائل الفنانين اللي اطلبوا في حفلات الرياض لكن كل مرة مش بتظبط

نادين يوسف | فى حياة المشاهير

جنات

الجمعة , 26 يناير 2024 - 19:58 | اخر تحديث: الجمعة , 26 يناير 2024 - 19:58

كشفت المطربة جنات عن رأيها في حفلات موسم الرياض وعن سبب عدم إحيائها لحفلات هناك

جنات

قالت جنات خلال لقائها مع الإعلامية جيهان عبدالله في برنامج "أجمد 7" المذاع على نجوم اف أم "حفلات موسم الرياض على مستوى عالي جدا وانا مستمتعة باللي بيحصل من حفلات وإمكانيات متاحة لكل الفنانين"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

جنات

وتابعت "انا كنت من الاوائل اللي اطلبوا في الحفلات هناك سواءً في جدة أو الرياض بس معرفش ليه ولا حفلة بتظبط يعني مدير اعمالي بيديني مواعيد ودة من زمان وتيجي الحفلة قبلها باسبوع وتتلغي ومعرفش ليه والموضوع اتكرر كتير اوي لدرجة أن دلوقتي لما بيقولي على أي معاد في الرياض بعرف أنه مش هيكمل والتنظيم قبل الحفلة مبيعلنوش عنها وباذن الله حاجة تظبط قريب لكن لغاية دلوقتي محصلش"

وعن تكريم الفنانين في موسم الرياض قالت "تكريم الفنانين الكبار وهما في حياتهم وبصحتهم اكتر حاجة مأثرة فيا وانا كان نفسي صلاح الشرنوبي يتكرم وانا طول عمري معجبة بيه وبتاريخه والحمدالله اتعمله حفلة وكانت رائعة"

View this post on Instagram

A post shared by NogoumFM (@nogoumfm)

كانت جنات قد تحدثت عن أغنيتها "الشمخ الجواني" موضحة أنها أخذت هذه الكلمة من الفيلم الشهير "الكيف" لمحمود عبد العزيز ويحيى الفخراني وإنتاج عام 1985.

نرشح لك: سلافة معمار ترد على اتهامات خضوعها لعملية تجميل وتغيير شكلها في "الخائن"

جنات

وقالت جنات "كلمة الشمخ الجواني أخدها الشاعر مصطفى حسن من فيلم قديم للفنان محمود عبد العزيز فيلم "الكيف" الإفيه دا كان مشهور وقتها وقعد لفترة طويلة ومعناه إنه من أعماق الإحساس".

وتابعت جنات: "ناس كتير عارفة الفيلم وفاهمين الكلمة وناس كتير فهموها من الأغنية نفسها، أنا بصراحة أول مرة اسمع الكلمة لكن جوزي مثلا عارفها وأول ما سمعها قالي الشمخ الجواني بتاعة "الكيف"، أنا مش عارفاها لكن فهمتها من الجملة كاملة في الأغنية".

وأكملت جنات: "إحنا بندور على الحاجات الجديدة وبحيي فريق عمل الأغنية لأنها أغنية حلوة وأظن أنها من الأغاني اللي بتعيش والأغنية دي فيها فن راقي".

جنات

وأوضحت جنات أنها فضلت أن تصور الأغنية بشكل مختلف قائلة: "صورت الأغنية بشكل مختلف لأني محتاجة أجدد وأغير شوية من شكلي، أنا بحب الشكل الرومانسي اللي الناس حبيتني فيه لكن مش معقول لما انزل أغنية مختلفة الناس تهاجمني".

وأغنية "الشمخ الجواني" كلمات مصطفى حسن، وألحان مصطفى العسال، وتوزيع عمرو الخضري، والكليب من إخراج كامبا.