محمد عطية باكيا: الطفل اللي عنده 10 سنين في غزة ضفره برقبتي

مروة لبيب | فى حياة المشاهير

محمد عطية

الأربعاء , 22 نوفمبر 2023 - 11:11

عبر الفنان محمد عطية عن دعمه ومساندته للشعب الفلسطيني الذي يتعرض للهجمات المستمرة من قبل الاحتلال الاسرائيلي.

وخلال لقائه مع برنامج "فوق 18" من تقديم الإعلامية رابعة الزيات على قناة الجديد قال محمد عطية " أنا بتكسف وأنا باكل في بيتي لوحدي والاطفال في فلسطين مش لاقيين ياكلوا، الواحد مستحرم اللقمة وبحمد ربنا إن فوقي سقف بيحميني وهناك في فلسطين الأب بيحضن ولاده مش عارف هيصحى يلاقيهم ولا لا، والحياة مش هتكمل بالطريقة دي ومش خايف أخسر أي حاجة، خسرت برنامج ليا لكن مش عايز مواقف تبيني كبطل أنا مش بطل الأبطال هناك في غزة".

محمد عطية

وأضاف محمد عطية " الطفل اللي عنده 10 سنين ضفره برقبتي، أنا إيه اللي بعمله بتكلم على السوشيال ميديا لما تخلص حياتي هستفيد إيه لازم يكون عندي موقف .. الحياد في الموقف دي خيانة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

محمد عطية

ومنذ بدء الحرب على غزة أعلن الفنان محمد عطية عن دعمه للشعب الفلسطيني وطالب المؤثرين على السوشيال ميديا والفنانين ولاعبي الكرة بالحديث عن الأحداث الجارية في فلسطين.

نشر عطية فيديو على حسابه بموقع أنستجرام قال فيه "الفيديو دة مش الغرض منه المزايدة على حد لكن الهدف منه اني بناشد كل الناس المؤثرين على السوشيال ميديا فنانين، لاعيبة كرة، انفلونسرز، بلوجر هنسأل لاحقا عن شعب تم إبادته بالكامل قدام عنينا واحنا بنتفرج"

وتابع "الوضع هناك أسوأ من السجن في السجن أنت متأمنلك اكل وشرب وتحت سقف امن ومفيش معاك أطفال أو رضع، الوضع هناك مش كدة"

وأضاف "انهاردة إسرائيل امرت بإخلاء شمال غزة مطلوب من مليون و100 ألف بني ادم أنهم يمشوا ويسيبوا بيوتهم وادتلهم مدة 24 ساعة، وانتو عارفين أن لو ممشيوش هيحصل ايه"

كما تحدث عطية عن الإعلام الغربي وقال "الإعلام الغربي ضلل الناس اللي هناك وخلاهم يباركوا ابادة جماعية وتطهير عرقي وهما شايفين أن اسرائيل هي الضحية"

واختتم حديثه قائلا "احنا مفيش في ادينا حاجة نعملها غير أننا نتكلم احنا ضعاف ومهانين ومفيش حاجة نعملها غير أننا نتكلم ولو في حاجة تانية قولولي وانا أول واحد هعملها بس ارجوكم متزهقوش من الكلام. "