عبد الرحيم كمال يهاجم بيومي فؤاد: ده مش صح مهنيا

محمد أحمد | فى حياة المشاهير

عبد الرحيم كمال وبيومي فؤاد

الأحد , 5 نوفمبر 2023 - 22:10 | اخر تحديث: الأحد , 5 نوفمبر 2023 - 22:12

هاجم السيناريست عبد الرحيم كمال الفنان بيومي فؤاد بعد أن أثار جدلا واسعا خلال الساعات الماضية بتصريحاته عقب ختام عرض مسرحية "زواج اصطناعي" خلال موسم الرياض.

وكتب عبد الرحيم كمال عبر حسابه على موقع التواصل الاجتماعي Facebook: "خسارة والله هو لو في آخر العرض عيط للجمهور وقالهم يا جماعة احنا بنحب الفلوس وجينا عشان الفلوس ومستعدين نقعد 15 يوم تاني لو زودوا الفلوس كان الجمهور هناك سقف وضحك وصدق والجمهور هنا ضحك وصدق".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع: "لكن انك تقفل العرض الكوميدي بمشهد تراجيدي ده يبقى خيانة لنوع الدراما اللي انت بتقدمها وده مش صح مهنياً".

وكان بيومي فؤاد قد عبر عن استيائه من حملات الهجوم التي يتعرض لها وزملائه المشاركين في موسم الرياض لهذا العام وسط الأحداث المأساوية التي تشهدها غزة.

طالع أيضا - مفيدة شيحة تلوم بيومي فؤاد بعد مهاجمته محمد سلام: مكنتش محتاج تكسب بنط على قفاه

وفي مقطع فيديو من مسرحية "زواج اصطناعي" التي يشارك بها ضمن فعاليات موسم الرياض قال بيومي فؤاد: "أنا فنان مصري وليا الشرف جيت المملكة العربية السعودية وليا الشرف عشان نقدم فننا، إحنا مش جايين نضحك إحنا جايين نقدم فننا ... احنا محتاجنكم وانتوا محتاجينا".

وأضاف بيومي فؤاد: "كتر خيركم كتر خيركم، إحنا بنتعب وبنشقى عشان نقدم فن مش عشان نضحك، ولو الموضوع كدا يبقى في فنانين من أيام نجيب الريحاني لحد محمد أنور، مفروض ينتحروا".

بيومي فؤاد ومحمد سلام

من ناحية أخرى، شن بيومي فؤاد هجوما على محمد سلام على خلفية انسحابه من مسرحية "زواج اصطناعي".

وقال بيومي فؤاد "من حقك إنك تعتذر عن المسرحية لكن مش من حقك إنك تغلط في فنك، إحنا مبنجيش علشان نضحك حضراتكم، إحنا بنقدم فننا المصري وانتوا بتحترمونا واحنا بنحترمكم جدا جدا".

وأضاف بيومي فؤاد "شيء عظيم إن الفنان يبقى ليه جمهور في كل الدول ... شيء عظيم إني أخرج أتصور مع شاب سعودي أو سيدة سعودية وهي تعلم إن أنا مصري أنا بشرف بلدي، أنا فنان مصري وليا الشرف".