ويجز: محدش يجي يكلمنا أن أمريكا دولة ديموقراطية... دوري إني أقول إننا مش مغبيبن

مي جودة | فى حياة المشاهير

ويجز

الأربعاء , 1 نوفمبر 2023 - 23:47 | اخر تحديث: الأربعاء , 1 نوفمبر 2023 - 23:48

بالكوفية الفلسطينية، ظهر الرابر ويجز في أحد البرامج ليتحدث عن القضية الفلسطينية ورأيه في التغطية العالمية لما يحدث في غزة.

قال ويجز: "من وجهة نظري مافيش حد يجي يكلمنا بقى أن أمريكا بلد حرية وديموقراطية وبتاع، لا لا، بالعكس، انت بس بتحطني على خط أنا لازم امشي عليه عشان تبقى هي دي الحرية، وأول ما أطلع براه يبقى هو دا مش حرية ولا حاجة، نفس الحاجة أنت بتخاف من الناس المختلفة عنك، وبتخاف من أشكال الحياة اللي ممكن ماتبفاش واخدة نفس الشكل بتاعك"، وذلك خلال حلوله ضيفا على "الجزيرة مباشر".

وتابع: يعني الـ CIA مش عارفة، وأنا اللي عارف إيه اللي بيحصل في غزة؟! لا هما مليون في المية عارفين اللي بيحصل في غزة، واللي بيحصل في غزة معمول حسابه ومعمول له خطة والجو جميل يعني، الناس دي عارفة كويس هي بتعمل ايه، وأدام الناس كلها، دا اللي أنا بتكلم فيه أنا دوري بقى كبني آدم إيه؟

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف: أنا دوري أن أنا أوصل صوتي، وأتكلم وأقول على فكرة احنا مش مغيبين أو عبط عشان نبقى عارفين أو حاجة زي دي تعدي علينا عادي.

وعن دور الإعلام الأمريكي في تغييب الرأي العام، قال: "طبعا في ناس بتتفرج عليه ومصدقاه، فتغيب يعني أكيد، ما تقوليش آه غارات على غزة، وفي الآخر تجيب لي بيت واقف واخد طلقتين، يعني دا مش البيت اللي اتقصف، ودي مش الصورة الحقيقية.

View this post on Instagram

A post shared by قناة الجزيرة مباشر (@aljazeeramubasher)

يذكر أن ويجز شارك في تظاهرات بالولايات المتحدة الأمريكية منددة بالاحتلال الاسرائيلي لفلسطين، ونقل ويجز أجواء المظاهرة في الفيديو قائلا: "إحنا لسه نازلين الشارع في أمريكا، نيويورك سيتي قافلين محطة مترو كبيرة وكل الناس جوا، والظباط جايبين 90 ألف عربية ومنعوا الناس تدخل علشان بقت زحمة".

اقرأ أيضا:

ينطلق عرضه 15 نوفمبر ... فيلم حسن الرداد "بلوموندو" يدخل قائمة أفلام رأس السنة 2024

هاني شاكر يجري عملية جراحية ويشكر طبيبه المُعالج (صورة)

وفاة جواهر الكويتية بعد صراع مع المرض عن عمر 45 عاما

من بينها الدوافع وشخصية المحامي … 5 تشابهات بين مسلسل "صوت وصورة" و"أوبرا عايدة"

لا يفوتك: أول ظهور لابنة الفنانة ريم رؤوف.. ماما سرقت حلمي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5