أحمد محمد ثروت في "معكم منى الشاذلي": كل يوم كنت بعمل أكثر من ٣٠ تجربة وقوف وبفشل وكنت بزحف عشان اروح الحمام

مي جودة | فى حياة المشاهير

أحمد محمد ثروت

الجمعة , 13 أكتوبر 2023 - 01:10 | اخر تحديث: الجمعة , 13 أكتوبر 2023 - 01:10

حل الفنان أحمد محمد ثروت ضيفا على برنامج "معكم منى الشاذلي" في حلقة الخميس 12 أكتوبر الجاري.

وتحدث أحمد محمد ثروت عن الأزمة الصحية التي مر مؤخرا، كاشفا الكثير عن مرضه بمتلازمة ميلر فيشر، وقال:

- كنت باخد ٦٠ حقنة في ٥ أيام، كل حقنة ٣٠ سنتي، كنت باخد مسكنات من ٣ العصر حتي ٦ مساء علشان استعد للحقنة.

- فقدت الحركة والاتزان، وبعدين فقدت الرؤية.

أحمد محمد ثروت

- الفلوس دي ورق ملون، لو معاك فلوس الدنيا مستحيل تتعالج إلا برضا ربنا عليك.

- جالي ٥ إعاقات مرة واحدة، كلمت أصدقائي من ذوي الهمم اسألهم احنا بنروح الحمام إزاي.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

- المفروض كل يوم لما نشوف حد من ذوي الهمم لازم نوطي له ونقول له أنت بطل.

- أنا كنت راضي في أي وضع، وكان نفسي في وضع ثابت اعرف أنا هكون عليه.

- لما سافرت ألمانيا، عملت عملية جراحية صغيرة، بياخدوا سائل من المخ بدون بينج، حقنتين حديد بين الفقرات.

أحمد محمد ثروت

- مكنتش بحب حد يساعدني خالص، وكنت رافض والدي يشدني بالكرسي، لأن نظرة الشفقة فيها عاطفة مريحة، وأنا كنت عايز أحافظ على أني أقوم.

- كنت بزحف كل يوم علشان أروح للحمام، الإنسان ضعيف ولكن إن أدرك ربنا عمره ما يكون ضعيف.

- أبويا ده جبل، وأنا في المستشفي وحالتي كانت صعبة جدا، كان بيكلم المهندس علشان يشطب شقتي علشان اتجوز.

أحمد ثروت ومحمد ثروت

- كل يوم كنت بعمل أكثر من ٣٠ تجربة وقوف وبفشل، لحد ما وقفت بفضل ربنا.

- خلال مبادرة "قادرون باختلاف" كنت بختار كراسي لأبطال العرض، واشتريت منهم لنفسي بعد شهرين.

- أي شخص قاعد على كرسي متحرك فهو بطل، أنا في كام شهر وقعت في شبر مياة.

- مؤمن زكريا بعت لي دعوة من قلبه، بعدها بساعات عيني فتحت.

اقرأ أيضا:

محمد الشقنقيري يتعرض لحادث سير على الطريق الصحراوي

تأجيل حفل تامر عاشور وبهاء سلطان في الكويت تضامنًا مع غزة

قبل 13 عامًا ... قصة مكالمة لن ينساها محمد شردي لـ منى الشاذلي (فيديو)

"سكر" يحقق 44 ألف جنيه إيرادات في أول أيام عرضه بالسينمات

لا يفوتك: "تحليل النغمات مع عمك البات" تقييم أغنية "حب خناق" لمروان موسى ونورين

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5