3 قصص أثارت الجدل في كواليس "تسلم الأيادي" ... لابسة ايه يا غادة؟ وحادثة شقيق حكيم وتترا تترارارا

مي جودة | فى موسيقى وحفلات

كواليس تسلم الأيادي

السبت , 7 أكتوبر 2023 - 22:56 | اخر تحديث: الأحد , 8 أكتوبر 2023 - 14:46

انتشر لأيام الماضية فيديو للقاء الفنان مصطفى كامل مع الإعلامي أحمد موسى في برنامج "على مسئوليتي"، وهو يحكي كواليس تأليفه وتلحينه لأغنية "تسلم الأيادي"، وسرعان ما عاد لتصدر التريند وعلق المتابعون على ثلاث نقاط في الحديث.

(1) اللي ترا وتيرارا اللي تاتاتارارارار

الطريقة الكوميدية التي قدم بها مصطفى كامل اللحن بصوته وطريقة تفاعل أحمد موسى معه تسببت في موجة كبيرة من الضحك بين رواد السوشيال ميديا، عندما ظهر مصطفى كامل في الفيديو، وهو يروي كواليس "تسلم الأيادي"، وقال: "كنا قاعدين أنا والدكتور يحيى البستاني والمستشار مرتضى منصور والراحل المخرج علي رجب، وأكملت الجلسة أنا ويحيى البستاني في قهوة في الدقي، ومرت من أمامنا دبابات الجيش، كان من المفترض أن أسافر للعمرة بعدها بثلاثة أيام، فاقترح أن نقدم أغنية، قولت له أنا مسافر، قال لي بس نحاول، رجعت البيت لقيت تيمة الأغنية مسيطرة علي (تسلم الأيادي... تسلم يا جيش بلادي)، والجميع يعلم أني من محبي بليغ حمدي، مزيكته تخترق الوجدان، وكنت عايز للحتة دي، ولقتني بقول (اللي ترا وتيرارا اللي تاتاتارارارار)، وكلمت يحيى قولت له تصدق طلع معايا حاجة".

وأضاف: واتصلت بالموزع أحمد عادل، وقولت له يا أحمد خد القطعة دي، ولأن دي شغلتي وحرفتي بنعرف نضبطها على التليفون، قال لي وهنعمل فيها ايه يا ريس، قولت له هنكررها، أنا جاي لك في الطريق يا أحمد، وسألني هنعمل منها كم واحدة قولت له 6 أو 7، وقولت له لازم نكسرها بكلمة، وأنا عشان دي صانعتي قبل الغناء، ومسكت المايك وقولت له هنا هنعمل (مصر تيرارا رارا مصر واللي ترا للي لالالي تيرارا اللي تاتاتارارارا) والله العظيم، ورجعت البيت بقى بحاول اكتب".

(2) حادث شقيق حكيم

أما النقطة الثانية التي أثارت تعجب المشاهدين كانت موقف حكيم الذي ترك شقيقه في موقف صعب لا يمكن لأحد أن يفعله.

وهو ما حكاه مصطفى كامل في نفس سياق الحديث عن كواليس تجهيز أغنية "تسلم الأيادي" قائلا: كلمت حكيم قولت له انت فين يا حكيم قال لي أخويا عامل حادثة على طريق الواحات، قولت له طب تيجي لي في الاستديو أنا عايزاك، وراح حكيم جاي لي، قال لي يعني هنقول ايه، قولت له مثلا مثلا يعني (اسألوا الرمل اللي في السينا انت مروي بدم مين) وابتديت أحط موسيقى الكلمة، وإيهاب توفيق مكنش عارف يجي عشان الحظر قولت له هبعت لك عربيتي عشان معايا كارنيه، وجالي قالي طب أنا هغني إيه قولت له غني الـ3 كوبليهات دول وهنبقى نشوف، قال لي طب أنا هغني لك كل الكوبليهات وانت نقي.

(3) انتِ لابسة ايه يا غادة؟!

وأخيرا كان للسؤال الذي طرحه مصطفى كامل على المطربة غادة رجب عن ملابسها نصيب الأسد في تعليقات مشاهدي الفيديو، وهو السؤال الذي حكي مصطفى كامل عنه أثناء حديثه: وكان معايا الدكتور رضا رجب، وأنا عمري ما اشتغلت مع غادة رجب ابنته، وعمري ما قابلتها وجها لوجه، وكان وقتها وكيل أول نقابة معايا في النقابة، خلص الوتريات للأغنية، وقال لي يا أستاذ مصطفى غادة بتسلم عليك، قولت له غادة! خدت منه التليفون وقولت لها انتِ لابسة ايه يا غادة، قالت لي التريننج، قولت لها بالتريننج حطي شبشب في رجلك وعايز اسمع باب الشقة".

اقرأ أيضا:

3 نقاط أثارت الجدل في كواليس "تسلم الأيادي".. لابسة ايه يا غادة؟ وحادثة شقيق حكيم وتترا تترارارا

انتصار: أحنا متربين على سينما كلها قُبلات ... وبلبس مايوهات عادي

فرح يوسف عن "طوفان الأقصى": يا خوفي من الجهلاء والمتخلفين والسوشيال ميديا

كيف يخفي أحمد الفيشاوي أوشامه أثناء تصوير أعماله؟ شاهد الفيديو

لا يفوتك: "تحليل النغمات مع عمك البات" تقييم أغنية "حب خناق" لمروان موسى ونورين

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5