أحمد عز عن فيلم "الممر": كنا بنسوق 4 ساعات في الصحراء وجملة "البسوا المموة" تم إضافتها أثناء التصوير

نادين يوسف | فى حياة المشاهير

أحمد عز

الجمعة , 6 أكتوبر 2023 - 22:55 | اخر تحديث: الجمعة , 6 أكتوبر 2023 - 23:14

عبر الفنان أحمد عز عن سعادته وشعوره بالفخر بسبب تجسيده لشخصية اللواء محيي نوح في فيلم "الممر".

قال أحمد عز خلال مداخلة هاتفية له مع الإعلامي عمرو خليل "شرف ليا اني أجسد شخصية اللواء محيي نوح في فيلم "الممر" وقعدت مع حضرتك ودة شرف وفخر ليا"

أحمد عز

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع "الفيلم دة كان من أصعب الأفلام اللي اتعملت علشان نختار مكان للتصوير واحنا كنا بنسوق في الصحرا لمدة 4 ساعات مش معانا غير مياة فقط والفضل في دة يرجع للشئون المعنوية والمخرج شريف عرفة واحنا كلنا كنا حاسين أننا بنعمل حاجة كبيرة اوي والناس دول كانوا بيروحوا ومش عارفين هيرجعوا ولا لا"

واستكمل أحمد عز حديثه قائلا "الفيلم أقل حاجة تقدم لناس كانت شايلة ارواحهم وشرف ليا جدا اني اعمل دور زي دة"

أحمد عز

نرشح لك: جريمة اختطاف وحادث سير يغير حياة البطل … ملاحظات على برومو حكاية "قرض شخص" من مسلسل "حدث بالفعل"

وعن شريف عرفة قال "شريف عرفة من أمتع الشخصيات اللي تتعرف عليها على المستوى الشخصي وكمخرج وهو بيدينا طاقة السينما بتأثر وانا مبقولش أن كل افلامنا تبقى حربية لكن افلامنا تحافظ على القيمة والمكانة اللي وصلنالها"

وتابع "احنا تاريخنا مليان ولكن إنتاج هذة الأعمال لازم تتوافر فيه جهود الدولة مش بس المنتجين لأنها محتاجة جودة عالية أوي والسينما والدراما قوة كبيرة إذا تم توجيهها بشكل ملائم ووجود قاعة سينما ومسرح في أي محافظة دة بيقي من الإرهاب وحاجات كتير"

وعن جملة "البسوا المموة بيخافوا منه" قال أحمد عز "شريف عرفة طلب مني واحنا بنصور أقول الجملة دي ومكنتش اتوقع ان الجمهور هيتفاعل معاها"

وعن الشخصيات التي يرغب في تجسيدها قال "في شخصيات كتير جدا نفسي اجسدهم واحنا لغاية دلوقتي معملناش فيلم حقيقي عن العبور في أكتوبر"

يذكر أن فيلم "الممر" من بطولة أحمد عز، إياد نصار، أحمد رزق، محمد فراج وغيرهم نخبة من النجوم وهو من إخراج شريف عرفة.

اقرأ أيضا:

حكيم يحتفل بعيد ميلاد الـ60 مع أسرته ... هذه رسالته جمهوره (صور)

تفاصيل حكاية "ما تيجي نشوف" قبل انطلاق عرضها الأحد ... المواعيد والأبطال

ابنة غادة عبد الرازق تحكي: ماما دورها في "حدث بالفعل" يخوف وطفشت عريس عشان أفضل جنبها

#شرطة_الموضة: سيرين عبد النور بجمبسوت أبيض يظهر رشاقتها … سعره 58 ألف جنيه

لا يفوتك: تحليل النغمات مع عمك البات: العلاقة بين الناقد والفنان .. الناقد يتكلم لحد فين؟ والفنان يتقبل لحد إيه؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5